Luka 6:15 - Bhibhiliya Nya Guage

¹⁵ Matewu ni Tomasi; Jakobe, mwamana wa Alifewu, ni Simiyoni, a ranwago Mupinyameli;

Luka 6:15 Iomraidhean Croise

Matewu 9:9

Jesu na khugide khu vbale, a di wona mwama moyo nya gupwani khu Matewu, na khade wulangani gwaye nya gukhuphise, a mu embela, khuye: “Nyi landre!” Uye a di khuga a mu landra.

Marko 2:14

Na guvbindra a di wona Levhi, mwamana wa Alifewu, na khade vbagikhalotunu gwaye nya gukhuphise. A di mu rana, khuye: “Nyi landre.” Uye a di dzegela gu khuga a mu landra.

Marko 3:18

Andreya, Filipi, Bharitolomewu, Matewu, Tomasi, Jakobe, mwamana wa Alifewu, Tadhewu, Simoni, Mwama Mukhanani,

Luka 5:27

Khavbo avbo, Jesu a di duga. A diya mana muhengisi nya khupho nya gupwani khu Levhi, na khade vbagikhalotunu gwaye nya thumo, a di mu embela, khuye: “Nyi landre.”

Luka 6:14

Simoni a nga mu thangisago lina la Pedro, ni ndriyaye Andreya, Jakobe, Johane, Filipi ni Bharitolomewu;

Luka 6:16

Judha, mwamana wa Jakobe, ni Judha Sikarioti, a gu uye a nga mu ningelago.

Johane 11:16

Tomasi, a ranwago pwani Mavbaha, a di embela vangana vaye, khuye: “Hongoleni nethu, gasi hi na yafa ni muhevbudzi.”

Johane 20:24

Tomasi, a nga bani a gu ranwa pwani Mavbaha, a nga bani ari moyo nya vale nya likhumi na vavili, a diri mwalo gikhati Jesu a nga dzi wonegisa.

Mithumo 1:13

Na va bede dhoropani, va di lita nyumbani ga vbatshani, omu va nga bani va gu olovela gu khala: Pedro, Johane, Andreya, Filipi, Tomasi, Bharitolomewu, Matewu, Jakobe mwamana wa Alifewu ni Simoni Zelote, ni Judha mwamana wa Jakobe.

Mithumo 15:13

Na va vbedzide gu ganela, Jakobe a di khusa lito a gu ganela, khuye: “Vandruye, nyi yingiseni:

Vagalatiya 1:19

Kha nya wona mumbe mupostoli vbavbandze ga Jakobe, ndruye wa Pfhumu.

Vagalatiya 2:9

Jakobe, Pedro ni Johane va tidwago kha nga vathangeli, na va wonide gukhavo khu lisine, hi ningidwe wuhigo nya thumo wowu; va di hi phara mandza eni ni Bharinabha, va gu yeyedza kharalo wuhengeli. Hi di pwanana gukhethu hi hongola hiya thuma vbakari ga va nya mayigo gasi avo vaya thuma vbakari nya Vajudha.

Jakobe 1:1

Eni Jakobe, githumi ya Nungungulu ni ya Pfhumu Jesu Kristo, nyi ngu losa likhumi na mavili mahundzu ma phalalegidego ni litigo latshavbo.