Luka 6:12 - Bhibhiliya Nya Guage

¹² Khu matshigu yale, Jesu a di gwela mugigomoni, gasi guya gira nombelo. A di pilekelana wutshigu watshavbo na gu lombelela ga Nungungulu.

Luka 6:12 Iomraidhean Croise

Dzindzimo 22:2

Nungungulu wangu, nyi ngu lila vbakari nya mihani, uwe khu nyi hakhi, wutshigu gima kha nyi mani gurula.

Isaya 26:9

Hefemulo wangu wa gu vbweta uwe wutshigu watshavbo, gu ngari dzimindrudzile, hefemulo wangu wa gu vbweta uwe; kholu milayo yago yi ngu gimbidzisa vathu mafuni, vathu va tigoni, va na hevbule gululama.

Dhaniyeli 6:10

Avbo Dhaniyeli a ngapwago gupwani gu hungidwe nayo yoyu, a di hongola gaya gwaye, aya bela makhuvini gwaye, nyumbani ga gitezi, na gu tudwe sihogo si nga bani si khedzide phuvbo ga Jerusalema, a di lombelela nyondro tharu khu litshigu na khidzimide khu dzikhungumudzi, a bonga Nungungulu waye, nga idzo a nga bani na gu gira khu gale.

Matewu 5:1

Na wonide mwandra, a di gwela mugigomoni avbo a ngaya khalago. Vapizane vaye va di hidzimela.

Matewu 6:6

Gasi uwe, wa gu lombelela, sega lidimba, u bela makhuvini gwago u lomba ga Babe wago, nu si wonwi khu muthu, gasi uye a wonago iso si sihadego, a na gu ninga tshatshazelo.

Marko 1:35

Ni mambagugya, a di khuga a gu hongola giwulani, gasi guya gira nombelo.

Marko 3:13

Khavbo avbo, Jesu a di gwela gigomoni, a gu rana avo a nga va gola. Avo va di hongola gwaye.

Marko 6:46

Na va vbanganide, a di gwela gigomoni aya lombelela.

Luka 5:16

Aholu uye a di thava a gu hongola giwulani, aya gira nombelo.

Luka 6:11

Avo va di tala khu giviti, na va gu wudzisana khu gyawe, khavo: “Ginani hi na gu girago khu Jesu?”

Luka 6:17

Jesu a di relela navo a gu ema panini, avbo a nga mananago ni vapizane nya vangi ni gidzemo nya gingi nya vathu va nga bani va dugela Judheya gwatshavbo, ni Jerusalema, ni bambe nya yiphwa ya Tiro ni Sidhoni,

Luka 9:18

Tshigu mwedo, Jesu nari vbakari nya nombelo ni vapizane vaye basi, a di va wudzisa, khuye: “Vathu vari khavo kheni mani?”

Luka 9:28

Na gu vbindride gipimo nya livbandre na mararu matshigu hwane nya gu Jesu na ganede esi, a di dzega Pedro, Johane ni Jakobe a gwela navo gigomoni, gasi guya lombelela.

Luka 9:29

Vbakari nya nombelo, khovbe yaye yi di vbindrugedza; dzingandzu dzaye dzi di aga ngudzu, dzi ngangamela.

Johane 6:3

Jesu a di gwela gigomoni, aya khala ni vapizane vaye.

Vakolosi 4:2

Pharisani gu gira nombelo khu hefemulo ni gu bonga khu monyo;

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.

1 Samuweli 15:11

“Nyi ngu dzi laya kholu nyi nga emisa Sawule gu khala mufumeli, kholu a nyi wugede, a si landrisi sileletelo sangu.” Samuweli a di vbisega ngudzu, wutshigu watshavbo a lila ga Pfhumu Nungungulu.