Luka 6:1 - Bhibhiliya Nya Guage

¹ Tshigu mwedo nya Sabhadho, Jesu a di vbindra khu thembweni nya mavbila. Vapizane va di fanya mavbila madugwana, va tshigira mandzani, va hodza.

Luka 6:1 Iomraidhean Croise

Ekisodha 12:15

Mu na vbedza livbandre na mavili matshigu na mu gu hodza sibaba nyambana mela. Gukhugela litshigu nya guphele, mu na dusani mela watshavbo dzinyumbani gwanu, kholu muthu watshavbo a na hodzago gibaba nya guthedwe mela, ndrani nya matshigu yatshavbo yaya nya livbandre na mavili, gukhugela litshigu nya guphele kala litshigu nya guhegise, muthu yoyo, a na fuviswe a si lumbi gambe vathu va na Israyeli.

Levhi 23:15

“Hwane nya ugo, mu na saya livbandre na dzimbili dzisemana nya gutale, gukhugela litshigu li handzamedzago Sabhadho yile mu resago khiyo gitundru nya mihandro nya gundziwitedwe; mu vbedza livbandre dzimbili dzisemana mu gu gira isoso.

Levhi 23:7

Khu litshigu nya guhegule, mu na gira tshangano nya guage, mu nga thumi thumo nya gulemele.

Luka 5:39

Mwalo muthu nya gu na sede wadwa nya guvile gwadi a wuya a lomba wadwa nya givhayi, kholu wari, khuye: ‘Uwo nya guvile gwadi khuwo wu gu wadi.’ ”

Luka 6:6

Khu yimbe Sabhadho a di bela nyumbani nya nombelo, a gu phela gu hevbudza. A diromo vbale muthu a nga bani a limade libogo.

Dhewuteronome 16:9

Gukhugela litshigu u phelago gu vbwera tirigu; u na saya livbandre na dzimbili dzisemana.

Dhewuteronome 23:25

Wa gu bela thembweni nya tirigu ga ndriyago, u na vbulula dzimbewu khu mandza; aholu u nga pili dzitshangi dzakone khu givbwero.