Luka 5:21 - Bhibhiliya Nya Guage

²¹ Vahevbudzi nya Nayo ni vaphasi nya mhamba va di phela gu ngurangura, khavo: “Khu mani oyu a hembululago Nungungulu? Khu mani a dzi kodzago gu tsetselela sighoho vbavbandze ga Nungungulu basi?”

Luka 5:21 Iomraidhean Croise

Dzindzimo 103:3

Khuye a gu tsetselelago siwono sago satshavbo; ni gu gu hawulugisa madwali yago yatshavbo.

Dzindzimo 130:4

Aholu avbo gwago u ngu kodza gu divalela avo va gu ningago githawo.

Dzindzimo 32:5

Nyi dawulede gwago giwono gyangu, kha nya gu sihela guvbanya gwangu; eni nyi di ganela, kheni: “Nyi ngu hongola ga Pfhumu Nungungulu, nyi ya dawulela guvivba gwangu!” Uwe u di handza guvivba gwangu, u nyi divalela guvivba nya gighoho gyangu.

Dzindzimo 35:5

Va na gire kha nga mavivi ma vbiyedwago khu phuvbo, va lundrwa khu ngilozi ya Pfhumu Nungungulu.

Isaya 1:18

Deluni, hongoleni hi pimise gumogo khu mahungu yaya; A ngu ganela Pfhumu Nungungulu, khuye: Ambari sighoho sanu na si sivbade kha nga wugala, nyi na si agisa kha nga hunguva; ambari sa gu fanana ni giwunguwungu, nyi na si agisa kha nga mawoya nya nvuta.

Isaya 43:25

Eni kamwe, kheni nyi futago sighoho sago, khu gugola gwangu, sighoho sago gima kha nyi na si alakanya gambe.

Isaya 44:22

Nyi fuviside guvivba gwago, gu fanana ni hunguva, ni sighoho sago nyi si mwalalegiside kha nga lipfhi; wuya gwangu, kholu kheni mudzegisi wago.

Dhaniyeli 9:19

Uwe Pfhumu, yingisa! Pfhumu, divalela! Pfhumu, hi hakhe; thuma u nga hweli! Khu kotani nya lihaladzo lago, uwe Nungungulu wangu, u nga hweli; kholu lidhoropa lago ni vathu vago va gu ranwa khu lina lago.

Dhaniyeli 9:9

Pfhumu Nungungulu wathu, a na ni wuhindzi ni gu tsetselela, ambari hi mu ghohedego,

Levhi 24:16

Oyu a valago lina la Pfhumu Nungungulu a na songwa, tshangano watshavbo wu na mu pfara khu siwindri, vathu vatshavbo, gani muwuyi, gani givelegwa gya Israyeli, oyu a valago Lina la Pfhumu Nungungulu fanede gu songwa.”

Mikeya 7:19

U na simama gu hi pwela gisiro; u gandredzela guvivba gwathu, u dzudzuga sighoho sathu satshavbo guetani nya yiphwa.

Matewu 26:65

Khavbo avbo, Muphasi nya Khongolo a di pferula dzingandzu dzaye, na gukhuye: “Hembulude Nungungulu! Wufakazi muni hi wu vbwetago gambe? Mu ngari gu mupwa ni guhembulula Nungungulu.

Matewu 9:3

Va di manega vahevbudzi nya Nayo va nga alakanya mapimoni gwawe, khavo: “Oyu mwama a ngu hembulula Nungungulu.”

Luka 3:8

Nonedzani mihandro yi yeyedzago gu vbindrugedza mavbanyelo; mu nga dzi pembi sanu, khenu: Ethu hi na ni babe Abrahama. Dzitini nya gukhenu Nungungulu a ngu dzi kodza gu vbindrugedza siwindri sesi si khala sanana sa Abrahama.

Luka 5:17

Tshigu mwedo, Jesu, a di gu hevbudza, vbakari nya vathu va nga bani va mu yingisa. Va diromo navo vafarisi ni vahevbudzi nya Nayo va nga tago khu Galileya, khu Judheya ni Jerusalema. A di gu hawulugisa madwali khu tshivba ya Pfhumu.

Luka 5:22

Aholu Jesu, na tugude maalakanyo yawe, a di khusedza lito a gu va wudzisa, khuye: “Mahingigedzo muni mu gu nawo myonyoni gwanu?

Luka 7:49

Avo va nga bani varomo vbamezatunu va di phela gu wudzisana, khavo: “Gasi khu mani oyu a dzi kodzago gu tsetselela sighoho?”

Johane 10:33

Vajudha va di hakha, khavo: “Kha hi vbweti gu gu pfara khu mithumo yago nya yadi; aholu khu mapepetela nya guvbwete gu dzi gira Nungungulu nuri muthu.”

Varoma 8:33

Khu mani a na gu thuledzago vale va hathidwego khu Nungungulu, olu uye Nungungulu a va giridego vathu nya gululame?