Luka 5:20 - Bhibhiliya Nya Guage

²⁰ Na wonide gukhodwa gwawe, Jesu a di ganela, khuye: “Amasawu, sighoho sago si tsetseledwe.”

Luka 5:20 Iomraidhean Croise

Genesi 22:12

Yi di engedza gambe yi mu embela, khiyo: “U nga khusi libogo lago u songa gyanana, u nga gi bayisi. Olu nyi ngu wona gukheni u na ni githawo ga Nungungulu, kholu khwa nyi bombela mwanago, gyanana gyago gya gimwegyo basi.”

Isaya 38:17

Gusaniseka gogu nyi gu manidego gu nyi resede gurula, khu lihaladzo lago u duside hefemulo wangu, wu si thegi phalani nya guhine, kholu sighoho sangu satshavbo u si dzudzugide hwane gwago.

Matewu 9:2

Va di mu yisela gilima khu lithatho. Jesu, khu gu wona gukhodwa gwawe, a di embela gilima, khuye: “Mwanangu, tiya. Sighoho sago si tsetseledwe.”

Matewu 9:5

Khu gevbini gi vbevbugidego gu ganela gukheni: ‘Sighoho sago si tsetseledwe’, mwendro gukheni, ‘Khuga u gimbile?’

Marko 2:5

Jesu, na wonide gukhodwa gwawe, a di embela gilima, khuye: “Mwanangu, sighoho sago si tsetseledwe.”

Luka 7:48

Khavbo avbo, a di embela nyamayi wule, khuye: “Siwono sago si tsetseledwe.”

Johane 2:25

Kha nga vbweta gu embedzedwa mavbanyelo ya moyo ni moyo, kholu uye mune a di gu yiti myonyo yawe.

Johane 5:14

Hwane nya isoso, Jesu a diya mu mana Nyumbani ga Nungungulu, a mu embela, khuye: “U vbanyisidwe, u nga ghohi gambe, gasi u si dugeledwi khu mambe madwali nya guvbindre aya.”

Mithumo 11:23

Na vbohide, a di wona wuhigo wa Nungungulu a tsaka, a va embela vatshavbo va simama gu khala ni Pfhumu khu monyo moyo vatshavbo.

Mithumo 14:9

A di yingisa Pawulo na gu ganela. Uye Pawulo a di khusa maho a mu khedza a wona gukhuye a na ni gukhodwa nya guyele guhawulugiswa,

2 Vakorinto 2:10

Oyu mu mu tsetselelago eni neni nyi na mu tsetselela, nya gu bani nyi tsetselede gilo nya gukari, nyi giride khu lihaladzo ga enu, khu lina la Kristo;

Vakolosi 3:13

Phasedzanani mu tsetselelana khu gyanu, tsetselelanani kha nga Pfhumu a mi tsetseledego.

Jakobe 2:18

Aholu mumbe muthu a na, khuye: “Ina, uwe u na ni gukhodwa, eni nyi na ni mithumo, nga nyi yeyedza gukhodwa gwago nyambana mithumo, eni, khu mithumo yangu, nyi na gu yeyedza gukhodwa gwangu.”