Luka 5:13 - Bhibhiliya Nya Guage

¹³ Jesu a di mu handzega mandza, na gukhuye: “Nyi ngu dzina, aga” Khavbo avbo, sokono yi di dzegela gu duga gwaye.

Luka 5:13 Iomraidhean Croise

Genesi 1:3

Nungungulu a di phela gu ganela, khuye: “Gu na manege guwonegela.” Guwonegela gu di manega.

Genesi 1:9

Nungungulu a di khuye: “Ma na patane dangamwedo mati ma guromo vbavbatshi nya ndzadzi, gu manege mafu nya gubange.” Gu di girega kharato.

2 Dzipfhumu 5:10

Khavbo avbo, Elizewu, a di rumela mwango, aya mu embela, khuye: “Indra, u ya hamba livbandre na dzimbili dzinyondro tsongoni wa Joridhani, nyama yago yi na vbanya bwelo khavbo yi khalega.”

2 Dzipfhumu 5:14

Khavbo avbo, a di relela aya dzi nega livbandre na dzimbili dzinyondro tsongoni wa Joridhani, kha nga guganela ga muthu wa Nungungulu; ni nyama yaye yi di vbindrugedza, yi khala kha nga nyama nya gyanana, uye a di hawulugiswa a aga.

Dzindzimo 33:9

Kholu uye a di ganela, si girega satshavbo; uye a ruma, satshavbo si girega.

Ezekiyeli 36:29

Nyi na mi vbulugisa guvivbani gwanu gwatshavbo; nyi na mu resela tirigu, gambe nyi na yi andrisa, kha nyi na mu resela gambe ndzala.

Hoseya 14:4

Nyi na dusa gumba tumbega gwawe, nyi va gola khu monyo wangu watshavbo, kholu likhulo langu li na duga avbo gwawe.

Matewu 8:3

Jesu na mu handzegide mandza, a di mu embela, khuye: “Nyi ngu dzina, hawuluga!” Mudwali wule a di dzegela gu hawuluga.

Luka 4:39

Na nogide a mu khedzisa, a di ruma feveri gu yi mu diga. Yi di mu diga kamwe. Na yi mu digide, a di dzegela gu khuga a va sayisa.

Luka 5:12

Avbo Jesu a nga bani na romo dhoropani nya gukari a dita muthu moyo a nga bani a gu dwala khu sokono. Uye, na wonide Jesu, a di dzi thesa migondroni gwaye, a mu lomba, khuye: “Pfhumu, wa gu dzina, nyi agise.”

Luka 5:14

A di mu laya gu a si embeli muthu, bwelo khavbo a mu embela, khuye: “Indra dzi yeyedza ga muphasi, gasi uye a ningele, khu gu agiswa gwago, iso si rumwago khu Mosi, gasi gu khala nari wufakazi vbakari gwawe.”