Luka 5:12 - Bhibhiliya Nya Guage

¹² Avbo Jesu a nga bani na romo dhoropani nya gukari a dita muthu moyo a nga bani a gu dwala khu sokono. Uye, na wonide Jesu, a di dzi thesa migondroni gwaye, a mu lomba, khuye: “Pfhumu, wa gu dzina, nyi agise.”

Luka 5:12 Iomraidhean Croise

Genesi 18:14

Ina gyomo gilo a gi tandregago Pfhumu Nungungulu, gani? Khu matshigu nya nga aya, mwaga wutago, nyi na wuya gambe khavba, Sara a na bani nari ni gyanana nya gikhwathana.

1 Dzipfhumu 18:39

Avbo vathu vatshavbo, va si wonego esi, va di thega va tsitsa khu dzikhovbe, va ganela, khavo: “Pfhumu basi khuye a gu Nungungulu! Pfhumu basi khuye a gu Nungungulu!”

2 Dzipfhumu 5:1

Nahamani, muthangeli nya nyimbi ya mufumeli wa Siriya, a diri muthu nya guthavisege mbeli ga mune waye, gumogo ni gu zundzega kholu khavbo gwaye, Pfhumu Nungungulu a di ningide Vaasiriya va dugelela; uye a diri mwama nya ndrena, aholu a diri ni sokono.

2 Dzipfhumu 5:27

Khu guralo, sokono ya Nahamani yi na thapela avbo gwago ni ga livelego lago kala gupindruga. Khavbo avbo, a di duga khu mbeli gwaye, na pomedwe khu sokono a aga kha nga hunguva.

2 Dzipfhumu 7:3

Vbanyangwatunu gu diri ni vama vana nya gudwale khu sokono, avo va di ganela khu gyawe, khavo: “Hi na khala sathu avba kala hifa, gani?

1 Dzikoronika 21:16

Dhavhidhe na khuside maho, a di wona Ngilozi ya Pfhumu Nungungulu na yi emide vbakari ni vbakari ga mafuni ni ndzadzini, na yiri ni litshari mandzani, na yi khusedzide gasi gu sasela Jerusalema; khavbo avbo, Dhavhidhe gumogo ni madhota, na va ambade silendra, va di thega khu khovbe mafuni.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Ekisodha 4:6

Pfhumu Nungungulu a di mu embela gambe, khuye: “Vega mandza vbakhanatunu gwago.” Uye a di vega mandza vbakhanatunu, avbo a nga ma dusago, ma diri ni sokono, ma aga kha nga thondrwane.

Levhi 13:16

Aholu nyama nya gufuvile ya guvbindrugedza yi aga, mudwali a na wuya ga muphasi nya mhamba.

Levhi 9:24

Gu di duga nilo khu mbeli ga Pfhumu Nungungulu wu ngata tsagamisa nyama nya phaso nya guvbiswe ni mafura vbatshani nya giluvelo. Avbo va nga wona, vathu vatshavbo va di kulungela khu gunengela va noga va kuha vbavbatshi khu khovbe.

Matewu 26:6

Jesu, na romo Bhetaniya, ndrangani ga Simoni, a nga bani na gu ranwa “Nya Sokono,”

Matewu 9:28

Na vbohide ndrangani, sikhumu sile si di mu hidzimelela. Jesu a di si wudzisa, khuye: “Mu ngu khodwa nya gukhenu nyi na ni tshivba nya gugire isoso, gani?” Va di hakha, khavo: “Hi ngu khodwa, Pfhumu.”

Marko 5:23

A di mu lomba wuhindzi nya wukhongolo, khuye: “Nyamahegyane wangu a ngufa, delu uta mu handzega mandza yago gasi a vbanye.”

Luka 17:16

A dita dzi thesa khu khovbe migondroni ga Jesu, a mu bonga. Uye a diri Musamariya.

Luka 5:13

Jesu a di mu handzega mandza, na gukhuye: “Nyi ngu dzina, aga” Khavbo avbo, sokono yi di dzegela gu duga gwaye.

Dhewuteronome 24:8

Dzi wonele ga tungu nya sokono, dzi garadze khu gu landrisa satshavbo u na hevbudzwago khu vaphasi nya mhamba va na Levhi; kha nga idzo nyi va leletedego khidzo, zama gu si gira.

Vahebheru 7:25

Khu guralo, uye a ngu dzi kodza gu vbanyisa, olu ni gikhati gyatshavbo, vale va hidzimelago ga Nungungulu khu uye, kholu a ngu vbanya kala gupindruga gasi gu lombelela khu avo ga Nungungulu.

Josuwa 5:14

Uye a di hakha, khuye: “Ahihi, eni nyi muthangeli nya nyimbi ya Pfhumu Nungungulu, olu nyi womo avba.” Josuwa a di noga a thega vbavbatshi khu khovbe, a mu wudzisa, khuye: “Ginani u gu nagyo pfhumu yangu gasi gu embela githumi gyago?”