Luka 4:8 - Bhibhiliya Nya Guage

⁸ Jesu a di mu hakha, khuye: “Duga, Sathane, gu lovidwe, pwani: ‘U na khozela Pfhumu Nungungulu wago. Khuye basi u na gu mu phaselago.’ ”

Luka 4:8 Iomraidhean Croise

2 Dzipfhumu 19:15

A di ya lombelela mbeli ga Pfhumu Nungungulu waye, khuye: “Pfhumu Nungungulu wa Israyeli, u khalago vbatshani nya dzikerubhimi, uwe kamwe, khuwe u gu Nungungulu nya mifumo yatshavbo ya mafuni, uwe u giride ndzadzini ni mafuni.

Dzindzimo 83:18

Va na dziti gukhavo khuwe basi u gu Pfhumu Nungungulu, khuwe basi u Khusegidego ngudzu vbatshani nya litigo latshavbo!

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Matewu 16:23

Gasi uye, a di thendregedza, a embela Pedro, khuye: “Leya, Sathane! U womo kha nga mutshunganisi wangu, kholu mapimo yago kha mati khu ga Nungungulu; aholu, khu ga vathu!”

Matewu 4:10

Khavbo avbo, Jesu a di mu hakha, khuye: “Suka, Sathane, kholu gu lovidwe, gupwani: U na khozela Pfhumu Nungungulu wago; khuye basi u na gu mu thumelago.”

Luka 4:4

Jesu a di mu hakha, khuye: “Gu lovidwe, gu pwani: ‘Muthu kha vbanyi khu guhodza basi, aholu khu magana yatshavbo ya Nungungulu.’ ”

Luka 4:7

Wa gu khidzima u nyi khozela satshavbo si na bani siri sago.”

Dhewuteronome 10:20

U na ninga githawo Pfhumu Nungungulu wago, u khozela Uye basi, u namarela avbo gwaye, u sambanya khu lina laye.

Dhewuteronome 6:13

U na ninga githawo Pfhumu Nungungulu wago, u mu thumela, u sambanya khu lina laye.

Jakobe 4:7

Khu guralo, yingisani Nungungulu, mu wugela Sathane, uye a na tutuma.

1 Pedro 5:9

Mu ganedzeni, mu tiya gukhodwani gwanu, kholu enu mu ngu dzitini nya gukhenu vandriyanu va phalalegidego mayigoni gwatshavbo va ngu saniseka navo khu sigaradzo nya nga esi mu si manago.

Gutuledwa 19:10

Eni nyi di thega migondroni gwaye gasi gu yi khozela. Aholu, iyo yi di nyi embela, khiyo: “Ahihi! Wona gwadi! Eni nyi githumi kha nga uwe ni vandriyago vatshavbo va girago wufakazi wa Jesu. Nungungulu khuye basi a fanelago gu khozedwa.” Khu lisine, wufakazi wa Nungungulu khu liphuvbo nya wuprofeti.

Gutuledwa 22:9

Aholu, ngilozi yi di nyi himbedzela, khiyo: “Ahihi, u nga giri isoso, eni nyi githumi kha nga uwe ni vandriyago, ni vaprofeti, ni vatshavbo vale va vegisago magana nya libhuku leli. Khozela Nungungulu.”

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”