Luka 4:5 - Bhibhiliya Nya Guage

⁵ Sathane a di mu dzega aya naye gigomoni nya gulaphe ngudzu, aya mu yeyedza khu gikhatinyana, mifumo yatshavbo nya mafu,

Luka 4:5 Iomraidhean Croise

Joba 20:5

wudhumo wa va nya guvivbedwa khu monyo kha wuyi danga, ni gunengela nya sighohi, khwa matshigwanyana, gani?

Dzindzimo 73:19

Va na thedwa hwanga va mbembiswa khu githugedza, va vbiyedwa va fuviswa.

Matewu 24:14

Mahungu nya Yadi yaya nya Mufumo wa Nungungulu ma na huweledwa tigoni gwatshavbo gasi gu ninga wufakazi mayigoni gwatshavbo. Khu hwane nya ugo khavbo gu no tago guhegisa.

Matewu 4:8

Sathane a di mu dzega nyaluphye a hongola naye gigomoni nya gulaphe ngudzu, avbo a ngaya mu leyedza mifumo yatshavbo nya mafu ni dzithomba dzakone,

1 Vakorinto 15:52

isoso si na girega khu gikhati gimwegyo basi, khu gukhwavbila nya maho, gikhati wu na wombago pundru nya mahegiso. Wa gu pwala pundru, ava va fudego va na wuga va vbanya nyamba fa gambe, gasi ethu, hi na vbindrugedza giemo.

1 Vakorinto 7:31

ni ava va thumisago dzithomba nya mafu, nga khwatshi kha va dzi thumisi. Kholu makhalelo nya mafu yaya ma ngu vbindra.

2 Vakorinto 4:17

Kholu gusaniseka gwathu nya guvbevbuge nya gikhatinyana gwa gu hi dongisela guya bela wudhumoni nya wukhongolo nyamba vbela, wudhumo wu vbindrago gusaniseka gwatshavbo.

Vaefeso 2:2

Gikhati mu nga bani mu fumedwa khu mavbanyelo nya litigo leli, mu di landrisa milayo ya muthangeli nya dzitshivba nya guvivbe dzi si wonegigo, liphuvbo lolo li fumago olu ga vathu va wugelago Nungungulu.

Vaefeso 6:12

Kholu khandri ha gu dwana ni vathu nya marambo ni nyama, aholu ha gu dwana ni dzitshivba nyamba wonega dzi fumago tigoni momu nya gidema, ha gu dwana ni dzitshivba nya maphuvbo nya guvivbe ya Ndzadzini.