Luka 4:43 - Bhibhiliya Nya Guage

⁴³ Aholu uye a di va embela, khuye: “Nyi na ni fanelo nya gutivise gambe ga mambe mayigo Mahungu nya Yadi nya Mufumo wa Nungungulu, kholu khiso nyi nga rumedwago iso.”

Luka 4:43 Iomraidhean Croise

Isaya 48:16

Hidzimelani avbo gwangu, mu tapwa esi: Gukhugela guhegulani, kha nya ganela khu gisihaledza; gukhugela avbo si nga giregago silo sesi, nyi diromo avbovbo. Gasi olu, Pfhumu Nungungulu a nyi rumide gumogo ni Liphuvbo laye.

Matewu 4:23

Jesu a di gimbila tigoni gwatshavbo ga Galileya, na gu hevbudza mudzinyumbani nya nombelo, gumogo ni gu tivisa Mahungu nya Yadi nya mufumo, na gu hawulugisa vathu dzingumbe dzawe dzatshavbo, ni madwali.

Marko 1:35

Ni mambagugya, a di khuga a gu hongola giwulani, gasi guya gira nombelo.

Johane 20:21

A di va embela nyaluphye, khuye: “Gurula gu na khale ni enu. Kha nga idzo a nga nyi rumelago khidzo Babe, eni neni nyi ngu mi rumani.”

Johane 9:4

Nyi fanede gu gira mithumo ya uye a nyi rumedego na gu ngari mihani; wu nguta wutshigu, avbo muthu a si kodzigo guthuma.

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

2 Thimoti 4:2

Ganela Mahungu nya Yadi u simamisa gu gira kharato, gikhati nya gugaradze nigyo nya guvbevbuge kawuka, luleka ni gu khongotela khu gutimisela gwatshavbo ni gu hevbudza.