Luka 4:41 - Bhibhiliya Nya Guage

⁴¹ Ga vangi vakone ma di duga maphuvbo nya guvivbe, na ma gulumela, khayo: “Uwe u Mwamana wa Nungungulu!” Aholu uye a di ma kawuka ni gu ma degudza, kholu ma di gu muti nya gukhayo khuye Kristo.

Luka 4:41 Iomraidhean Croise

Matewu 26:63

Aholu Jesu a di hodza gikhukhu a degula. Khavbo avbo, Muphasi nya Khongolo a di mu embela, khuye: “Nyi ngu gu ruma khu lina la Nungungulu a vbanyago: Nga nyi embela: Ina kamwe uwe khuwe Kristo, Mwamana wa Nungungulu, gani?”

Matewu 4:3

Khavbo avbo, mulingi a di ta, khuye: “Wa gu bani uri Mwamana wa Nungungulu, ruma siwindri sesi si vbindrugedze si khala guhodza.”

Matewu 8:16

Ni silambo, va di mu yisela vathu nya vangi va nga bani vari ni madwali ni vatshavbo va nga bani na vari ni maphuvbo nya guvivbe gasi uye, khu magana yaye, a di ma tutumisa, gumogo ni gu hawulugisa vadwali.

Matewu 8:29

Avo va di gulumela, khavo: “Ginani hi nga gu ghohela, Mwamana wa Nungungulu? U tede guta hi tshanisela ginani, na gi si gu vbohi gikhati gyakone?”

Matewu 8:4

Aholu Jesu a di mu laya, khuye: “U nga embeli muthu; indra dzi leyedza ga muphasi nya mhamba, gufela gu a ningela, khu guagiswa gwago, iso si rumwago khu Mosi, gasi gu khala nari wufakazi vbakari gwawe.”

Marko 1:25

Aholu Jesu a di li kawuka, khuye: “Degula, duga ga muthu yoyo.”

Marko 1:32

Na li pfode lidambo, va di mu yisela vadwali vatshavbo ni va nya maphuvbo nya guvivbe.

Marko 1:34

A di hawulugisa vathu nya vangi madwali yawe nya guhambanehambane, a gu tutumisa maphuvbo nya mangi nya guvivbe, a si ma dzumedzisi gu ganela, kholu ayo ma di gu muti khayo khuye mani.

Marko 3:11

Maphuvbo nya guvivbe nayo, ma gu mu wona, ma di khidzima mbeli gwaye ma gu ganela, khayo: “Uwe khuwe Mwamana wa Nungungulu.”

Luka 4:39

Na nogide a mu khedzisa, a di ruma feveri gu yi mu diga. Yi di mu diga kamwe. Na yi mu digide, a di dzegela gu khuga a va sayisa.

Johane 20:31

Esi si lovidwe gasi mu khodwe gukhenu Jesu khu Kristo, Mwamana wa Nungungulu; gasi khu gu khodwa, mu mane guvbanya linani gwaye.

Jakobe 2:19

Uwe u ngu khodwa ga Nungungulu moyo basi, gani? U ngu gira gwadi; ambari nayo maphuvbo nya guvivbe ma ngu khodwa, ma ndrendremela.