Luka 4:4 - Bhibhiliya Nya Guage

⁴ Jesu a di mu hakha, khuye: “Gu lovidwe, gu pwani: ‘Muthu kha vbanyi khu guhodza basi, aholu khu magana yatshavbo ya Nungungulu.’ ”

Luka 4:4 Iomraidhean Croise

Ekisodha 23:25

Khozelani Pfhumu Nungungulu wanu, Eni nyi na kategisa guhodza gwanu ni mati yanu; nyi na vbedza madwali vbakari gwanu.

Isaya 8:20

Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Jeremiya 49:11

Diga sigulungu sago; kholu eni nyi na si sayisa si vbanya, ni dzinoni dzago nidzo dzi na tumbe eni.”

Matewu 4:4

Jesu a di mu hakha, khuye: “Gu lovidwe gupwani: Muthu kha vbanyi khu guhodza basi, aholu, khu mahungu yatshavbo ma dugago khu ga Nungungulu.”

Matewu 6:31

Mu nga garadzegi, khenu, hi na hodza ginani? Hi na sela ginani? ‘Hi na ambala ginani?’

Luka 22:35

Jesu a di engedza gambe, khuye: “Gikhati nyi nga mi rumelani nyambana gipatsi, nyambana rava, nyambana silato, gyomo gi nga mi kenelelago, gani?” Vapostoli va di hakha, khavo: “Gi mwalo gi hi keneledego.”

Luka 4:10

kholu gu lovidwe, pwani: ‘Nungungulu a na rumela dzingilozi dzaye, gasi dzi gu hakhe,

Luka 4:3

Sathane a di mu embela, khuye: “Wa gu bani uri Mwamana wa Nungungulu, ruma giwindri gegi gi vbindrugedze gi khala guhodza.”

Luka 4:8

Jesu a di mu hakha, khuye: “Duga, Sathane, gu lovidwe, pwani: ‘U na khozela Pfhumu Nungungulu wago. Khuye basi u na gu mu phaselago.’ ”

Vaefeso 6:17

Ambalani gihugu nya guvbanyiswe, gasi magana ya Nungungulu ma phareni kha nga litshari mu ningwago khu Liphuvbo nya Guage.

Dhewuteronome 8:3

Uye a di gu poyila a gu diga upwa ndzala, a gu hodzisa manaha, uwe u nga bani u si mati, ambari vababe vago va di si mati, gasi u kodze gu pima gukhuwe muthu kha vbanyi basi khu guhodza, aholu khu satshavbo iso si dugago khu kanani ga Pfhumu Nungungulu, isoso si ngu vbanyisa muthu.