Luka 4:35 - Bhibhiliya Nya Guage

³⁵ Jesu a di li kawuka, khuye: “Degula, duga ga muthu yoyo.” Gasi ilo, na li mu theside vbavbatshi khu tshivba ni tshivba, mahoni ya vathu vatshavbo, li di duga li gu hongola, nyamba mu gira gilo.

Luka 4:35 Iomraidhean Croise

Dzindzimo 50:16

Aholu, ga muthu nya guvivbe Nungungulu wari, khuye: Gu na gu phasa ginani gu ganelela sileletelo sangu ni gu huwelela gidzumeledzwano gyangu,

Zakariya 3:2

Ngilozi ya Pfhumu Nungungulu yi di embela Sathane, khiyo: “Pfhumu Nungungulu a na gu thele dzitshoni, uwe Sathane! Pfhumu Nungungulu a hathidego Jerusalema, a na gu tsayise uwe Sathane. Ina mwama yoyu khandri a gu fanana ni lihale li dusidwego niloni, gani?”

Matewu 17:18

Khavbo avbo, Jesu, a di kawuka liphuvbo nya guvivbe li gu duga ga gikhwathana; khavbo avbo, gukhugela gikhati gile gikhwathana gile gi di vbanyiswa guralo.

Matewu 8:26

Jesu a di va embela, khuye: “Mwa gu thava ginani, vathu nya gukhodwe vbadugwana?” Na khugide, a di kawuka phuvbo ni mavimbi. Khavbo avbo, gu di manega malenga nya makhongolo.

Marko 1:26

Khavbo avbo, liphuvbo nya guvivbe li di mu dzudza khu tshivba, li womba huwa, li gu duga.

Marko 4:39

Khavbo avbo, na wugide, a di kawuka phuvbo, a embela yiphwa, khuye: “Degula! Rula!” Phuvbo yi di dzegela gu degula, gu manega malenga nya makhongolo.

Marko 9:26

Liphuvbo li di womba huwa, li gi dzudza khu tshivba ni tshivba, li duga, gikhwathana gi di dzima. Nya vangi va di pimisa gukhavo gi fude.

Luka 11:22

Aholu ya gu manega yimbe ndrena nya gu mu pale, ya gu mu dzegela matshari a nga bani a gu ma themba, yi gu mu phanga silo saye, yi kabanisela vathu.

Luka 4:23

Gasi uye a di va embela, khuye: “Khu lisine mu na ganelani khu sipinga, na mu gu thula eni, khenu: ‘Nyanga, nga dzi hawulugisa wabune; gumogo ni gu nyi embelani, khenu satshavbo hi si pwidego gupwani u si giride Kafarinawume, nga si gira gambe tigoni momu gwago!’ ”

Luka 4:39

Na nogide a mu khedzisa, a di ruma feveri gu yi mu diga. Yi di mu diga kamwe. Na yi mu digide, a di dzegela gu khuga a va sayisa.

Luka 4:41

Ga vangi vakone ma di duga maphuvbo nya guvivbe, na ma gulumela, khayo: “Uwe u Mwamana wa Nungungulu!” Aholu uye a di ma kawuka ni gu ma degudza, kholu ma di gu muti nya gukhayo khuye Kristo.

Luka 8:24

Va diya mu wusa, va Mu embela, khavo: “Muhevbudzi, hi ngu mbemba!” Uye, na wugide, a di kawuka phuvbo ni mavimbi, si gu renga; ma di manega malenga nya makhongolo.

Luka 9:39

A na ni liphuvbo nya guvivbe. La gu mu dugela, la gu mu dzudza khu tshivba ni tshivba, li mu thesa vbavbatshi na gu ndrendremela gumogo ni gu womba dzihuwa ni gu pupuma liguvi khu kanani. Hwane nya gu mu khuyusele sivbango khavbo li mu digago.

Luka 9:42

Na gi hidzimela ga Jesu, gikhwathana gi di dugedwa khu liphuvbo nya guvivbe, li nga gi dzudza khu tshivba ni tshivba, li gi thesa vbavbatshi. Aholu Jesu a di li kawuka, a gu hawulugisa gikhwathana, a gi ningela ga babe waye.

Gutuledwa 12:12

Khu guralo, nengelani mu tsaka, uwe ndzadzini, ni enu mwatshavbo mu vbanyago umo. Aholu libango lomo eno gwanu enu mu vbanyago mafuni ni linene, kholu Sathane tshigide vbakari gwanu na tade khu likhulo nya likhongolo ngudzu, kholu a dzitigo nya gukhuye gikhati gyaye gidugwana ngudzu.”