Luka 4:25 - Bhibhiliya Nya Guage

²⁵ “Aholu nyi ngu mi embelani gambe, khu lisine, kheni: Matshiguni ya Eliya dzi diromo dzinoni nya dzingi tigoni ga Israyeli, gikhati yi nga segegago ndzadzi myaga miraru ni livbandre na moyo migima, yi manega, ndzala nya yikhongolo tigoni gwatshavbo.

Luka 4:25 Iomraidhean Croise

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

Isaya 55:8

Kholu mipimiso yangu yi hambanide ni yanu, ambari khu dzindzila dzanu, kha dzi fanani ni dzangu; a ngu ganela Pfhumu Nungungulu.

Matewu 20:15

Ina nyi mwalo fanelo nya gugire iso nyi sinago khu silo sangu, gani? Ina khandri wa gu khala lidiwo khu silo sangu, kholu eni nyi gu wadi, gani?’

Luka 10:21

Khu gikhati gyogyo, Liphuvbo nya Guage li di tadza Jesu khu litsako a gu ganela, khuye: “Nyi ngu gu rungudza, Baba, Pfhumu nya Ndzadzi ni mafu, kholu u sihede silo sesi va nya guti ni vagengeli, u si yeyedza ga va nya gusolega. Ina, Baba, kholu khiso si nga gu nengedzisago.

Varoma 9:15

Kholu uye embede Mosi, khuye: “Nyi na girela wuhindzi uye nyi na dzinago gu mu girela, nyi ditshedza oyu nyi na dzinago gu mu pwela”

Varoma 9:20

Uwe muthu, khuwe mani, uwe nya gu ganedzisane ni Nungungulu? Ina khali nya libumba yi ngu dzi kodza gu wudzisa ga muwumbi waye, khiyo: “Khu ginani u nga nyi wumbago kharati?”

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vaefeso 1:9

A hi tulede guti sihalo nya gikungo nya guhaladze gwaye khu ga Kristo, kha nga edzi a nga bani a vegiside khidzo khu gale,

Jakobe 5:17

Muprofeti Eliya a diri muthu kha nga ethu. Uye a di lombelela khu tshivba, gukhuye yi siwi ndzadzi, gu vbela myaga miraru ni livbandre na moyo migima nyambawa ndzadzi tigoni.

Gutuledwa 11:6

Dzifakazi dzedzi dzi na ni tshivba nya gusege ndzadzi yi siwi ndrani nya matshigu yatshavbo nya wuprofeti wawe, ni tshivba gambe nya gu vbindrugedze mati ma gu khala novba, ni gu tsayisa litigo khu mafumbu yatshavbo nya mitungu.