Luka 4:23 - Bhibhiliya Nya Guage

²³ Gasi uye a di va embela, khuye: “Khu lisine mu na ganelani khu sipinga, na mu gu thula eni, khenu: ‘Nyanga, nga dzi hawulugisa wabune; gumogo ni gu nyi embelani, khenu satshavbo hi si pwidego gupwani u si giride Kafarinawume, nga si gira gambe tigoni momu gwago!’ ”

Luka 4:23 Iomraidhean Croise

Matewu 13:54

Na vbohide tigoni gwawe, a di va hevbudza nyumbani nya nombelo. Vatshavbo va di tala khu guliwuga, va gu wudzisana, khavo: “A gu gu mana hayi guti gogu ni tshivba nya gugire siliwugiso?

Matewu 4:13

a diga, kharati, Nazareta, aya khala Kafarinawume, a gu lidhoropa li manegelago siwoni ga Galileya, litigo la Zebhuloni ni Nafitali.

Matewu 4:23

Jesu a di gimbila tigoni gwatshavbo ga Galileya, na gu hevbudza mudzinyumbani nya nombelo, gumogo ni gu tivisa Mahungu nya Yadi nya mufumo, na gu hawulugisa vathu dzingumbe dzawe dzatshavbo, ni madwali.

Marko 6:1

Jesu na khugide khu vbale a di hongola tigoni gwaye gumogo ni vapizane vaye.

Luka 2:39

Na va landriside satshavbo si nga bani si gu lombwa khu Nayo wa Pfhumu, va di bwelela Galileya, dhoropani gwawe ga Nazareta.

Luka 2:51

Khavbo avbo, a di relela navo a hongola Nazareta; a di gu va yingela. Mayi waye a di vegedza satshavbo sesi monyoni gwaye.

Luka 4:16

A dita Nazareta, avbo a nga dandrelago avbo. Kha nga giolovedzo gyaye, a di bela nyumbani nya nombelo khu litshigu nya Sabhadho. A di khuga a ema, gasi gu hevbula libhuku.

Luka 4:31

Khu vbale, Jesu a di relela a gu hongola Kafarinawume, dhoropani ga Galileya, iyo a ngaya simama guhevbudza vathu khu dzisabhadho.

Luka 4:35

Jesu a di li kawuka, khuye: “Degula, duga ga muthu yoyo.” Gasi ilo, na li mu theside vbavbatshi khu tshivba ni tshivba, mahoni ya vathu vatshavbo, li di duga li gu hongola, nyamba mu gira gilo.

Luka 6:42

U na dzi kodza kharini gu embela ndriyago, khuwe: ‘Wandruye, nga hidzimela nyi gu dusa gitoti gi guromo lisoni gwago’, uwe u si wonigo vhambala wu guromo lisoni gwago? Nya maliphawe, dusa guphela vhambala lisoni gwago, khavbo u na dzi kodzago gu dusa gitoti lisoni ga ndriyago.

Johane 4:28

Nyamayi a di diga khali yaye, a gu hongola dhoropani aya embela vathu, khuye:

2 Vakorinto 5:16

Ethu olu kha hi nga gu pimisa gambe muthu khu mawonelo nya wuthu wa mafuni. Ambari olu gale hi nga pimisa kharato khu Kristo, olu kha hi pimisi gambe kharato khu uye.