Luka 4:22 - Bhibhiliya Nya Guage

²² Vatshavbo va di mu fakazela, gumogo ni gu liwuga khu magana nya gutale khu wuhigo, ma nga bani ma gu duga khu kanani gwaye. Va di wudzisana khu gyawe, khavo: “Ina khandruye oyu mwamana wa Josefe, gani?”

Luka 4:22 Iomraidhean Croise

Dzindzimo 45:2

Uwe khuwe nya gumbure ngudzu vbakari nya sanana nya vathu; wuhigo wu ngu duga khu kanani gwago; khu guralo, Nungungulu a ngu gu kategisa kala gupindruga.

Dzindzimo 45:4

Khilela kavalu nya gupale, u ya dwanela lisine ni gululama; libogo lago la nyamudye li na gu hevbudze gu gira siliwugiso.

Mavingu 10:32

Khu maganani ga vathu va lulamidego gu duga lisine, aholu, khumo sighohi gu duga wudambane.

Mavingu 16:21

Uye a gengedego a na ranwa muthu nya mapimo, ni magana nya gulombele ma ngu etisa guti.

Mavingu 25:11

Mahungu ma ganedwago khu gikhati gyaye, kha nga sifananiso nya makandzu nya ndralama ma tshavedwego somboni nya parata.

Muhevbudzi 10:12

Magana ya muthu nya guti ma ngu tsakisa, aholu magana ya gipumbu ma gu gi tshipisa.

Gizimba 5:16

Khanani gwaye gwa gulombela ngudzu; giemo gyaye gyatshavbo khya gu golega. Khidzo a khadego khidzo gigodwa gyangu eno mwama wangu, enu va nyamahegyanenu va Jerusalema.

Isaya 50:4

Mune, Pfhumu Nungungulu a nyi hevbudzide iso nyi yelago gu ganela, gasi nyi kodza gu ganela gwadi ni vale va garadego. Matshigu yatshavbo, dzimindrudzile, a ngu nyi wusa a nyi tula dzindzeve, gasi nyi yingisa kha nga vale va hevbulago.

Luka 2:47

Vatshavbo va nga mupwago va di liwuga khu guti gwaye ni dziphindrulo dzakone.

Luka 2:48

Na va mu wone, vavelegi vaye va di thuruga; mayi waye a di khuye: “Mwanangu, u di hi sanisela ginani? Nga wona, babe wago ni eni hi di gu vbweta khu tshivba.”

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Luka 4:21

Khavbo avbo, a di phela gu va embela, khuye: “Ma tadzisegide muhuno magana yaya mu ngari gu ma pwago.”

Johane 1:45

Filipi a di mana Natanayeli a mu embela, khuye: “Hi ngari gu mu mana wule a nga thudwago khu Mosi nayoni waye, a nga ganedwa khu vaprofeti; khu Jesu wa Nazareta, mwamana wa Josefe.”

Johane 6:42

Avo va di wudzisana, khavo: “Ina khandruye oyu Jesu, gyanana gya Josefe, oyu hi vatigo vavelegi vaye? Khu ginani a gukhuye: ‘Eni nyi tshigide khu Ndzadzini?’ ”

Johane 7:46

Dzindruna dzi di phindrula, khidzo: “Gima a si gu manegi muthu a ganelago kha nga uye!”

Mithumo 6:10

Aholu, va di si dugeleli khu kotani nya guti gwaye ni Liphuvbo nya Guage li nga mu ninga tshivba nya guganele.

Tito 2:8

Ganela silo nya lisine, gasi a si manegi muthu nya gu gu kawuke, va fela gu khala dzitshoni valala vathu khu gu hamuga gilo nya guganele khu mahungu yathu.