Luka 4:2 - Bhibhiliya Nya Guage

² iyo a ngaya khalago magumana matshigu, a gu lingwa khu Sathane. Kha nga hodza gilo matshigu yoyo yatshavbo. Guhegisani a di pwa ndzala.

Luka 4:2 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

1 Dzipfhumu 19:8

Eliya a di wuga a hodza ni gu sela. Guhodza gule gu di mu ninga tshivba nya yikhongolo gasi gu gimbila magumana matshigu ni magumana wutshigu, kala guya vboha Horebhi, gigomoni gya Nungungulu.

Ekisodha 24:18

Mosi a di bela vbakari nya lipfhi a gu lita vbatshani nya gigomo. Mosi a di ya khala gigomoni gipimo nya magumana matshigu, wutshigu ni mihani.

Ekisodha 34:28

Mosi a di khala vbafuvbi ni Pfhumu Nungungulu magumana matshigu wutshigu ni mihani, a hala nyamba hodza gilo, nyamba sela mati, a di lovetela vbasiwindritunu magana nya gidzumeledzwano, a gu milayo nya likhumi.

Jona 3:7

A di rumela gukhuye gu wombwa pundru tigoni gwa Ninivha, gupwani: “Khu gurumela ga mufumeli ni vathangeli vaye, vathu ni sirengo, mitshambi nya dzinvuta ni dzimombe va nga hodzi gilo; ambari gu sela mati!

Matewu 21:18

Ni dzimindru, na va gu bwelela dhoropani, a di pwa ndzala.

Matewu 4:2

Na hade magumana matshigu, wutshigu ni mihani. Jesu a di pwa ndzala.

Luka 4:3

Sathane a di mu embela, khuye: “Wa gu bani uri Mwamana wa Nungungulu, ruma giwindri gegi gi vbindrugedze gi khala guhodza.”

Johane 4:6

Avbo wu nga bani wu romo nambo wa Jakobe. Na garade khu ndzila, Jesu a di khala bambe nya nambo. Gu diri mihani gikhati nya midiya.

Dhewuteronome 9:18

Nyi diya dzi thesa gambe mbeli ga Pfhumu Nungungulu, nga gikhati nya guhegule, nyi vbedza magumana matshigu, wutshigu ni mihani, nyamba hodza guhodza, nyamba sela mati, khu kotani nya sighoho sanu mu si giridego mahoni ga Pfhumu Nungungulu, mu gira silo nya gunyenyeze.

Dhewuteronome 9:25

Khu guralo, nyi di khidzima mbeli ga Pfhumu Nungungulu, nyi dzi vega vbavbatshi magumana matshigu, wutshigu ni mihani kholu, Pfhumu Nungungulu a di nyi embede gukhuye a ngu vbweta gu mi mbembisa.

Dhewuteronome 9:9

Na nyi gu lita gigomoni gasi guya hakha sileti nya giwindri, sileti nya gidzumeledzwano Pfhumu Nungungulu a giridego nanu, nyi khade gigomoni magumana matshigu, wutshigu ni mihani; nyamba hodza gilo, ni gumba sela mati.

Vahebheru 2:18

Olu, uye a ngu dzi kodza gu phasedzela ava va lingwago, kholu uye nuye lingidwe a gu mana gusaniseka.

Vahebheru 4:15

Muphasi wathu nya khongolo nya mhamba a ngu dzi kodza gu hi pwela wusiwana nya sighoho sathu, kholu, uye nuye lingidwe kha nga ethu, aholu, gima kha ghoha.

1 Samuweli 17:16

Gipimo nya magumana matshigu Mufilisitiya a di hidzimela, vbadzimindrutunu ni vbasilambotunu, a ema mbeli gwawe.