Luka 4:18 - Bhibhiliya Nya Guage

¹⁸ “Liphuvbo la Pfhumu li nyi tshigede, kholu li nyi phasede gasi guya hevbudza sisiwana Mahungu nya Yadi; li nyi rumede guya tivisa dzikhumbi gutshulega gwawe, guya tivisa sikhumu guwoniswa gwawe, ni ga vasaniseki gutshulega gwawe;

Luka 4:18 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

2 Dzikoronika 34:27

Kha nga olu monyo wago wu vbevbugidego u dzi nogisa mbeli ga Nungungulu, u yingisa magana ma ganelago khu mahungu nya wulanga wowu gumogo ni vathu vaye, u dzi nogisa mbeli gwangu, u pferula dzingandzu dzago, u lila mbeli gwangu, Eni neni nyi gu yingiside, a ngu ganela Pfhumu Nungungulu.” Khavbo avbo, avo va di yisa phindrulo yeyi ga mufumeli.

Dzindzimo 102:20

gasi gupwa gudilela ga vale va khothedwego, ni gu tshula ava va konedwego gu songwa;

Dzindzimo 147:3

A ngu tangadzisa myonyo yi khuvekidego, a hungelela silondra sawe!

Dzindzimo 2:2

Vafumeli nya litigo va wugide, manganagana ma ngu gira gikungo ma wugela Pfhumu Nungungulu ni gihathwa gyaye, khavo:

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Dzindzimo 34:18

Pfhumu Nungungulu womo vbafuvbi ga vale myonyo yawe yi vbisegago, a vbanyisa avo mihefemulo yawe yi khuvekidego.

Dzindzimo 45:7

U ngu gola gululama, u nyenya guvivba; khigyo gi nga girago Nungungulu wago a gu todza khu mafura nya gunengele, guvbindra vatshavbo u palisanago navo.

Dzindzimo 51:17

Dzimhamba dzi tsakisago Nungungulu khu hefemulo wu dzi layago; Uwe Nungungulu khu nyenyi monyo wu tshanisekago.

Isaya 32:3

Ni maho ya vale va wonago, kha ma na segwa, ni dzindzeve dza vale va vbwetago gupwa, dzi na yingisa.

Isaya 35:5

Khavbo avbo, maho nya sikhumu ma na tulega ni sivbwiri si na tulega dzindzeve sipwa.

Isaya 42:7

gasi u tula maho sikhumu, ni gu tshula sibotshwa pasoni, ni gu dusa avo va vbanyago mugidemani.

Isaya 45:13

Kheni nyi khendzugisidego Kiro khu gululama gwangu, nyi lulamedza dzindzila dzaye dzatshavbo; uye a na vbaha lidhoropa langu ni gu tshudzisa vathu vangu va guromo wugumbini, nyamba livbwa dzitsapawu mwendro gu bongwa, a ngu ganela Pfhumu Nungungulu nya Tshivba Yatshavbo.

Isaya 49:9

ni gu embela avo va khothedwego, khuwe: “Dugani pasoni!” Ni ga avo va guromo gidemani, khuwe: “Deluni guwonegelani.” Avo va na hodza dzindzilani, ni malangani yatshavbo nya sigomo va na mana guhodza nya gungi.

Isaya 50:4

Mune, Pfhumu Nungungulu a nyi hevbudzide iso nyi yelago gu ganela, gasi nyi kodza gu ganela gwadi ni vale va garadego. Matshigu yatshavbo, dzimindrudzile, a ngu nyi wusa a nyi tula dzindzeve, gasi nyi yingisa kha nga vale va hevbulago.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 59:21

Pfhumu Nungungulu a ngu ganela khuye Gidzumeledzwano gyangu navo, khegi: Liphuvbo langu li guromo avbo gwago, ni magana yangu nyi ma thedego kanani gwago, gima kha ma na duga, ambari khu kanani ga sanana sago, ni ga situgulwana sago, gukhugela olu kala gupindruga; a ngu ganela Pfhumu Nungungulu.

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Isaya 66:2

Kholu mandza yangu, khayo ma giridego silo satshavbo sesi, ni silo satshavbo sesi si di girega; a ngu ganela Pfhumu Nungungulu, aholu nyi na khedza uye a dzi thesago vbavbatshi: Wule a gu ni monyo wu khuvegidego, sisiwana ni vale va ndrendremelago khu gupwa magana yangu.

Ezekiyeli 9:4

A di mu embela, khuye: “Gimbila-gimbila dhoropani ga Jerusalema, u vega gifungo giwomboni ga vale va lilago ni gudilela khu kotani nya guvivbe gwatshavbo gu girwago umomo.”

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Sofoniya 3:12

Aholu nyi na tshiya vbakari gwago vathu nya sisiwana ni va nya gusolega; va na gu vegago gitumbo gyawe linani la Pfhumu Nungungulu.

Zakariya 11:11

Na gi tshudwe gidzumeledzwano litshigu lolo, sisiwana nya tshambi si nga bani si nyi yingisa, si di dziti gukhiso giyeyedzo gile mahungu ya Pfhumu Nungungulu.

Matewu 11:5

Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Matewu 12:18

“Khigyo egi githumi gyangu, nyi gi hathidego, gigodwa gyangu, igyo gi nengedzisago hefemulo wangu, nyi na gi ninga Liphuvbo langu, gasi gi tivise va nya mayigo khigyo gomo gulamudwa.

Matewu 12:20

Kha gi na vbedzisa gufanya tshava nya gupfharege, ne kha gi na tshima litirisida li nga gu tuvigago, kala gi yisa Nayo waye gupalani.

Matewu 4:16

Vathu va nga bani va gu vbanyela mugidemani, va wonide wenengedzo nya wukhongolo ni avo va nga bani va gu vbanyela mugusivbalani nya lufu, va tumbulugedwe khu wenengedzo.”

Matewu 5:3

“Si kategide sisiwana liphuvboni, kholu khwawe Mufumo wa Ndzadzini.

Luka 4:17

Va di mu ninga libhuku la muprofeti Isaya. A di li thawuludza, a kotsana navbo gu lovidwego, pwani:

Luka 6:20

Na khuside maho a khedza vapizane vaye a di khuye: “Mu kategide enu, sisiwana; kholu khwanu Mufumo wa Nungungulu.

Luka 7:22

Jesu a di va hakha, khuye: “Indrani muya tivisa Johane iso mu si pwago ni gu si wona: Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Johane 1:41

Uye, guphela, a di mana ndriyaye Simoni, a gu mu embela, khuye: “Hi manide Mesiya, gutshamusago pwani Kristo.”

Johane 12:46

Eni nyi dzude tigoni kha nga wenengedzo gasi muthu watshavbo a khodwago gwangu a si khali gidemani.

Johane 3:34

Kholu wule a nga rumedwa khu Nungungulu a gu ganela mahungu ya Nungungulu, Nungungulu kha mu ningi Liphuvbo khu gu mu pimela.

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Mithumo 4:26

Vafumeli nya mayigo ni manganagana va emide gumogo Va hengela gu wugela Pfhumu ni Kristo waye.’

Mithumo 4:27

Khidzo khu lisine, Pontiyo Pilato ni Herodhi, gumogo ni va nya mayigo ni mahundzu yatshavbo ya Israyeli va hengede gumogo dhoropani momu, va gu wugela githumi gyago nya gukatege, Jesu u nga mu todzago mafura nya wufumu,

Vakolosi 1:13

A hi vbulugiside tshivbani nya gidema a gu hi bedza mufumoni wa Mwanaye nya gigodwa.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.