Luka 24:47 - Bhibhiliya Nya Guage

⁴⁷ ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Luka 24:47 Iomraidhean Croise

Genesi 12:3

Nyi na kategisa avo va gu kategisago, nyi vala avo va na gu valago. Vathu vatshavbo va tigoni va na kategiswa khu kotani gwago.”

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Dzindzimo 67:7

Nungungulu a na hi kategise, mafuni gwatshavbo va na gu ninge githawo.

Dzindzimo 86:9

Mifumo yatshavbo u yi giridego yi nata khidzima mbeli gwago uwe Pfhumu, yi na dhumisa lina lago.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 49:22

A ngu ganela kharati Pfhumu Nungungulu, khuye: Wona nya gukhuwe nyi na khusedza mandza nyi ghwimba ngavbya vbakari nya mayigo; khavbo avbo, va na resa sanana sago nya madzaha khu mawogoni, iso nya vanyamahegyane, na va si vbagaride magatani gwawe.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 5:4

Hwane nya gu bani nyi giride satshavbo sesi, ginani gambe nyi nga yela gu gira ga lithembwe langu, nyi ngamba gi gira? Eni nyi di gu lirela gu hakha dziuvha nya dzadi, khu ginani olu ilo li nga velega idzo nya guvave, na?

Isaya 52:10

Pfhumu Nungungulu funungude libogo laye nya guage mbeli ga mayigo yatshavbo; ni mahegiso nya litigo va na wona guvbanyisa ga Nungungulu wathu.

Isaya 52:15

Kharato nugo a na samadzisa mayigo nya mangi, ni vafumeli va na sega magana khu mahungu yaye; kholu iso va ngamba tiviswa va na si wona, niso va ngamba sipwa, va na si pima.

Jeremiya 31:34

Mwalo ni moyo a na gu hevbudzago muakelane mwendro ndriyaye, khuye: “Hevbula guti Pfhumu Nungungulu.” Kholu vatshavbo va na bani va nyiti, gukhugela vakhongolo kala sanana, kholu nyi na bani nyi tsetselede guvivba ni sighoho sawe, gima kha nyi na nga si alakanya gambe.

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Hoseya 2:23

Khu litshigu lolo, Pfhumu Nungungulu a ngu ganela, khuye: Eni nyi na ninga phindrulo Ndzadzini, ni Ndzadzini, gu na ninga phindrulo mafuni.

Mikeya 4:2

Mayigo yatshavbo ma nata ma ta khayo: Hongoleni hi gwele gigomoni gya Pfhumu Nungungulu ni Nyumbani ga Nungungulu wa Jakobe, gasi a ta hi hevbudze dzindzila dzaye, ethu hi na landra sindzilana saye; kholu nayo wu na duga khu Siyoni, khu Jerusalema gu na duga magana ya Pfhumu Nungungulu.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 9:13

Indrani mu ya vbweta guti tshamuselo nya mahungu yaya: ‘Eni nya gu hatha wuhindzi guvbindra mhamba.’ Kholu kha nya tela guta rana va nya ndruda, aholu, sighohi.”

Luka 13:34

“Jerusalema, Jerusalema, u songago vaprofeti ni gu pfara khu siwindri vale u rumedwago khu Nungungulu! Dzinyondro dzingani eni nyi dogoredego gu tshanganisa sanana sago, kha nga khugu yi fundramelago sitshondryana saye, uwe u bomba!”

Mithumo 10:43

Vatshavbo vaprofeti va fakazide khu mahungu yaye, khavo: “Muthu watshavbo a khodwago a na mana gu tsetseledwa nya sighoho Linani Gwaye.”

Mithumo 11:18

Na va pwide magana yaya va di rula myonyoni gwawe va gu rungudza Nungungulu, khavo: “Khu kharato, gu yeyedza gupwani Nungungulu ningide navo va nya mayigo wuhigo nya gu dzi laye va vbindrugedza mavbanyelo, gasi va mane guvbanya.”

Mithumo 13:46

Aholu, Pawulo ni Bharinabha va di ganela khu gutiya, khavo: A diri fanelo gu hegula khenu gu embedwa mahungu ya Nungungulu. Aholu, kha nga mu ma bombago, ni olu mu dzi lamulago mwabune gukhenu kha mu fanedwi khu guvbanya nya gupindruge, khu kharalo, ethu hi na thendregedza hi ya ma ningela ga va nya mayigo.

Mithumo 2:38

Pedro a di va hakha, khuye: “Dzi layeni, moyo ni moyo a bhapatiswa Linani ga Jesu gasi a tsetseledwa sighoho. Khavbovbo mu na hakha giningwa nya Liphuvbo nya Guage.

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Mithumo 26:20

Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.

Mithumo 28:28

“Khalani na mu gu dziti nya gukhenu Mahungu yaya nya guvbanyise hi ningwago khu Nungungulu ma tivisidwe ga va nya mayigo, gambe avo va na ma hakha.”

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

Mithumo 4:12

Kha hi dzi kodzi gu mana guvbanyiswa khu mumbe muthu, kholu, mafuni gwatshavbo limwalo limbe lina li riyidwego vathu li gu ni tshivba nya gu hi vbanyise.”

Mithumo 5:31

Nungungulu rungudzile Jesu a mu gira Pfhumu ni Muvbanyisi, afela gu ninga gu vbindrugedza mavbanyelo ni gutsetseledwa sighoho sanana sa na Israyeli.

Varoma 5:20

Nayo wu tede guta engedzela gighoho. Aholu avbo gighoho gi nga dandra, wuhigo wa Nungungulu wu di engedzela gu dandra ngudzu.

Vaefeso 1:6

Gasi gu dhumisa gungangamela nya wuhigo waye, a hi ningidego khu ga Mwanaye nya gigodwa.

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

Vakolosi 1:27

A va tulede gambe guti talo nya thomba nya sihalo yoyo a dongisedego vathu vatshavbo. Gikungo gya Nungungulu nyi gi thulago khu Kristo a vbanyago ndrani gwanu a gu uye gitumbo nya wudhumo wa Nungungulu.

1 Johane 2:12

Vanavangu, nya gu mi lovela, kholu sighoho sanu si tsetseledwe khu kotani nya lina laye.