Luka 24:39 - Bhibhiliya Nya Guage

³⁹ Khedzani mandza yangu ni migondro yangu. Kheni kamwe. Nyi phareni; dzitini nya gukhenu githusa gi mwalo nyama ni marambo kha nga esi mu si wonago khenu nyi naso.”

Luka 24:39 Iomraidhean Croise

Muhevbudzi 12:7

Khu kharato kudzudzwane wu na bwelele mafuni wu dugedego umo, ni hefemulo wu bwelela ga Nungungulu a wu giridego.

Mitengo 16:22

Aholu avo va di thega vbavbatshi khu khovbe va ganela, khavo: “Ama Nungungulu, Nungungulu nya maphuvbo ya vathu vatshavbo! Muthu moyo basi a ghohidego, ina U na gorogela tshangano watshavbo, gani?”

Luka 23:46

Jesu a di khusedza lito khu tshivba ni tshivba, khuye: “Baba, mandzani gwago nyi ngu ningela hefemulo wangu.” Na ganede esi, a difa.

Luka 24:38

Aholu a di va embela, khuye: “Mwa gu thavela ginani? Khu ginani mu gu ni gukanakana gogo myonyoni gwanu?

Luka 24:40

Na gu ganela esi, a di va yeyedza mandza ni migondro.

Johane 20:20

Khavbo avbo, a di va yeyedza mandza ni limbambo laye. Na va wonide Pfhumu, vapizane va di tala khu gutsaka.

Johane 20:25

Na wide, vambe vapizane va dita mu embela, khavo: “Hi wonide Pfhumu!” Aholu, uye a di va hakha, khuye: “Nyamba wona sivanga nya mandza yaye, nya gumba vbedza nyala yangu sivangani gwaye ni mandza yangu limbamboni gwaye gima kha nyi na kodwa.”

Johane 20:27

Khavbo avbo, a di embela Tomasi, khuye: “Hidzimisa avba nyala yago, wona mandza yangu; hidzimisa mandza yago, u vbedza limbamboni gwangu. U nga dzi giri muthu nyamba khodwa, aholu khodwa.”

Mithumo 1:3

Hwane nya gu na fude, Jesu a dzi wonegiside ga Vapostoli na gu vbanya, khu mawonegiselo nya guhambanelane, a dzi wonegiside gwawe gipimo nya magumana matshigu, a gu ganela navo khu Mahungu nya Mufumo wa Nungungulu.

1 Vatesalonika 5:23

Nungungulu nya gurule a na agise ni gu sayisa sivili sanu ni mihefemulo yanu kala a wuya Pfhumu yathu Jesu Kristo.

Vahebheru 12:9

Vavelegi vathu nya giwuthu va di gu hi kawuka, ethu hi di va ninga githawo. Ina hi mwalo fanelo nya guyingele khu githawo ngudzu Babe wathu nya liphuvbo, gasi hi mane guvbanya, gani?

1 Johane 1:1

Hi ngu mi lovelani khu mahungu ya wule a nga bani a romo gukhugela guhegulani, uye hi mu pwidego ni gu mu wona khu maho yathu. Khu lisine, ethu hi mu wone, hi wuya hi mu phara khu mandza. Ha gu ganela khu Lito nya guvbanye.