Luka 24:32 - Bhibhiliya Nya Guage

³² Va di phela gu embeledzelana, khavo: “Ina kha ha nga bani hi pwa myonyo yathu na yi dzura gikhati a nga bani a gu ganela ni ethu ndzilani, a hi tshamusela Milowo, gani?”

Luka 24:32 Iomraidhean Croise

Dzindzimo 104:34

Gupimisa gwangu gu na tsakise Uye, eni nyi na nengela ga Pfhumu Nungungulu.

Dzindzimo 39:3

Monyo wangu wu di vava ndrani gwangu, nya gu pimisa isoso gu di dzura kha nga nilo; khu guralo, nyi di tshula lidimi langu nyi ganela, kheni:

Mavingu 27:17

Kha nga simbi ni simbi dzi lodzanago, kharato muthu nuye, a ngu gorogisa muthu kwawe.

Mavingu 27:9

Mafura ni libani sa gu resa gutsaka monyoni, kharato nugo pari ya gupwa gutshamba, khu wupari nya wadi.

Isaya 50:4

Mune, Pfhumu Nungungulu a nyi hevbudzide iso nyi yelago gu ganela, gasi nyi kodza gu ganela gwadi ni vale va garadego. Matshigu yatshavbo, dzimindrudzile, a ngu nyi wusa a nyi tula dzindzeve, gasi nyi yingisa kha nga vale va hevbulago.

Jeremiya 15:16

Avbo nyi nga mana magana yago, ayo ma di khala guhodza gwangu; ayo ma di khala litsako ni gunengela nya monyo wangu, kholu nya gu ranwa khu lina lago, uwe Pfhumu Nungungulu nya Tshivba Yatshavbo.

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Jeremiya 23:29

Pfhumu Nungungulu a ngu ganela, khuye: Ina magana yangu khandri ma gu vbisa gu fanana ni nilo, mwendro gikhokhotho gi pandrago siwindri, gani?

Marko 4:34

Vbakari nya vathu a di ganela khu sipimaniso, aholu, khu phuvbo a di tshamusela satshavbo vapizane vaye.

Luka 24:45

Khu vbale, a di va tula mapimo, gasi va pime Milowo,

Johane 6:63

Liphuvbo khilo li ningago guvbanya, gasi givili kha gi phasi gilo. Magana nyi mi embedego Liphuvbo ni guvbanya.

Mithumo 28:23

Khavbo avbo, va di vega litshigu. Na li vbohide litshigu lolo, nya vangi va di hongola ndrangani a nga bani a gu vbanyela avbo Pawulo. Gukhugela ni dzimindru kala ni wutshigu, Pawulo a di ganela gwawe khu mahungu nya Mufumo wa Nungungulu. A di zama gukhuye va khodwe ga Jesu, a seketela wufakazi waye avba nya Nayo wa Mosi, ni omu nya milowo ya vaprofeti.

Vahebheru 4:12

Mahungu ya Nungungulu khya guvbanya, ma na ni tshivba, ma ngu vbira guvbindra litshari nya gulodzwe eno ni eno. Ma gu paya, ma bela kala matshanganoni nya womi nya muthu. Ma ngu hambanisa gutshangana nya mongo ni marambo; ma ngu tugula mahingigedzo ni mapimo ma sihadego monyoni nya muthu.