Luka 24:30 - Bhibhiliya Nya Guage

³⁰ Na khade vbamezatunu, a di dzega gibaba, a gi kategisa, a gi kabanisa, a va ninga.

Luka 24:30 Iomraidhean Croise

Matewu 14:19

Hwane nya gu bani a rumide gidzemo gu khala vbavbatshi, avbo wu nga bani wu romo mwasi, a di dzega sibaba sile nya livbandre ni dzindzandzi dzimbili, a gu khusedza maho, a si kategisa; a di pilela sibaba a gu si ningela ga vapizane, avo va si kabanisela gidzemo.

Matewu 15:36

a dzega sibaba sile nya livbandre na sivili ni sindzandzyana sakone, a bonga, a si pilela, a si ningela ga vapizane, vapizane va si kabanisela vathu.

Matewu 26:26

Vbakari nya gilalelo, Jesu a di dzega gibaba, na gi kategiside, a di gi kabanisa, a gi ningela ga vapizane vaye, khuye: “Dzegani mu hodza. Egi givili gyangu.”

Marko 14:22

Na va gu hodza, Jesu a di dzega gibaba a gi kategisa, a gi pila a ningela ga vapizane vaye, khuye: “Dzegani, hodzani, egi khu givili gyangu.”

Marko 6:41

Na dzegide sibaba sile nya livbandre ni dzindzandzi dza dzimbili, a di khusa maho a khedza vbatshani Ndzadzini, a kategisa, a pila sibaba a si ningela ga vapizane vaye gasi gu kabanisela vathu. A di kabanisela gambe vatshavbo dzindzandzi dza dzimbili.

Marko 8:6

A di va ruma gu khala vbavbatshi. Na dzegide sibaba sile nya livbandre na sivili, a di bonga, a si kabanisa, a ninga vapizane vaye va kabanisela gidzemo.

Luka 22:19

Khavbo avbo, a di dzega gibaba, na gu bonga, a di gi kabanisa, a va ninga, khuye: “Egi givili gyangu, gi na ningedwago khu kotani yanu; girani esi khu gialakanyo gyangu.”

Luka 24:29

Gasi avo va di mu khadzisa, khavo: “Khala ni ethu, kholu lidambo li hwidwe, wutshigu wu nguya na wu hidzimela.” A di bela, gasi guya khala navo.

Luka 24:35

Avo navo va di ya va tivisa, iso si nga va dugelelago ndzilani, ni idzo Jesu a nga dzi wonegisago khidzo vbagupilatunu nya gibaba.

Luka 9:16

Khavbo avbo, Jesu a di dzega sibaba sile nya livbandre ni dzindzandzi dza dzimbili, a gu khusedza maho a khedza vbatshani, gumogo ni gu bonga Nungungulu khu guhodza gule. Khu vbale, a di si pilela, a ninga vapizane va kabanisela gidzemo.

Johane 6:11

Khavbo avbo, Jesu, a di dzega sibaba a si kategisa, a si kabanisela ga avo va nga bani va khade; na dzegide dzindzandzi, a di gira idzosaye. Vatshavbo va di hodza idzo va nga dzinago khidzo.

Mithumo 2:42

Avo va di gu khathala khu gu hengela gikhati gyatshavbo umo nya sihevbudzo nya Vapostoli ni umo nya pwanano nya wundruye, ni gukabana gibaba, ni milombelo.

Mithumo 2:46

Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.

Mithumo 27:35

Na gu ganela esi, Pawulo a di dzega gibaba, a bonga Nungungulu mbeli ga vatshavbo, a gi pila a phela gu hodza.