Luka 24:27 - Bhibhiliya Nya Guage

²⁷ Khavbo avbo, a di va tshamusela milowo yatshavbo yi nga bani yi ganela khu uye, guphela khu Mosi kala gu vbedza vaprofeti vatshavbo.

Luka 24:27 Iomraidhean Croise

Genesi 12:3

Nyi na kategisa avo va gu kategisago, nyi vala avo va na gu valago. Vathu vatshavbo va tigoni va na kategiswa khu kotani gwago.”

Genesi 22:18

Mayigo yatshavbo ya mafuni, ma na kategiswa khu ga melego wago, kholu uwe u yingiside magana yangu.”

Genesi 26:4

Nyi na andrisa livelego lago kha nga dzinyeledzi dza ndzadzini, nyi na gu ninga mayigo yaya yatshavbo. Khavbo nya melego wago, ma na kategiswa mafumbu yatshavbo nya vathu va tigoni,

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Dzindzimo 132:11

Pfhumu Nungungulu, giride gitumbiso ga Dhavhidhe, Kha na nga vbindrugedza, a bwelela hwane, a di khuwe: “Moyo nya gyanana gyago nyi na mu gira mufumeli, nyi na mu khadzisa vbagikhalotunu nya wufumu wago.

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Isaya 50:6

Nyi di ningedzela hwambo wangu ga vale va nyi vetago, nyi ningedzela khovbe yangu ga vale va nga bani va nyi kulela giledzu. Kha nya siha khovbe yangu ga vale va nga bani va gu nyi vala ni gu nyi hetshela.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Isaya 8:17

Nyi na tumba Pfhumu Nungungulu, wule a sihelago khovbe yaye sanana sa Jakobe, nyi na vega gitumbo gyangu avbo gwaye.

Isaya 9:1

Aholu vathu va randredwego khu sigaradzo, gima kha va na wona gambe gidema. Ga matshigu ma vbindridego, Nungungulu thede dzitshoni litigo la Zebhuloni ni la Nafitali; aholu guhegisani, a na zundza ndzila ya phwani, khisikheyi nya tsongo wa Joridhani, ni Galileya wa va nya mayigo.

Ezekiyeli 34:23

Nyi na emisa muhavisi moyo gasi a khale muhavisi wawe, uye a na dzi havisa; githumi gyangu Dhavhidhe khuye a na dzi havisago; uye a na khala muhavisi wawe.

Ezekiyeli 37:25

Va na vbanya tigoni nyi ningidego githumi gyangu Jakobe, umo va vbanyidego umo vababe vanu. Va na vbanya umo, avo ni sanana sawe, gumogo ni situgulwana sawe, kala gupindruga; Dhavhidhe, githumi gyangu, a na khala uye mufumeli wawe kala gupindruga.

Dhaniyeli 7:13

Umo nya siwoniso sangu nya wutshigu, nyi di wona na guta khu mapfhini ya ndzadzini, moyo nya gufanane ni mwamana wa muthu. Ata ga wule a nga bani ari lidhota khu gale, va mu hidzimisa vbafuvbi gwaye.

Mikeya 5:6

Avo va na mbembisa litigo la Asiriya khu matshari ni litigo la Ninirodhi, kala dzinyangwani gwalo. Khu kharati, a na hi vbulugisa mandzani ga Asiriya, a guta dhumela litigo lathu khu gu ndraga mivbingano yathu.

Mikeya 7:20

U na yeyedza gutumbega gwago ga Jakobe, ni ga Abrahama, wuwadi wago, kha nga u sambanyedego ga vababe vathu gukhugela matshiguni ya gale.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Mitengo 21:14

Khigyo gi girago gu ganedwa umo nya Libhuku nya Dzinyimbi dza Pfhumu Nungungulu gupwani: “Vhayebhi, tigoni ga Sufa, Arinoni, ni mikova nya sitsongwana saye

Marko 4:34

Vbakari nya vathu a di ganela khu sipimaniso, aholu, khu phuvbo a di tshamusela satshavbo vapizane vaye.

Luka 24:25

Khavbo avbo, Jesu a di va embela, khuye: “Mapeminu, nya mihungo nya gulemele, mu si vbiredzeligo gu khodwa khu satshavbo si nga ganedwago khu vaprofeti!

Luka 24:44

Khavbo avbo, a di va embela, khuye: “Khayo aya magana nyi nga mi embelani na nyi ngari nanu, gikhati nyi nga, kheni: Womo fanelo nya gutadzisege satshavbo si nga lowago khu Mosi, khu Vaprofeti ni Dzindzimo, na si gu ganela khu eni.”

Johane 1:45

Filipi a di mana Natanayeli a mu embela, khuye: “Hi ngari gu mu mana wule a nga thudwago khu Mosi nayoni waye, a nga ganedwa khu vaprofeti; khu Jesu wa Nazareta, mwamana wa Josefe.”

Johane 12:41

Isaya ganede esi kholu a di tuledwe gu wona gidhumo gya Jesu.

Johane 5:37

“A nuye Babe a nga nyi rumelago ningide wufakazi khu eni. Gima mu si gupwi lito laye, mwendro gu wona khovbe yaye.

Johane 5:39

Enu mwa gu fulugutela Milowo na mu gu alakanya gu mana guvbanya nya gupindruge; khiyo kamwe Milowo yi fakazago khu eni.

Mithumo 10:43

Vatshavbo vaprofeti va fakazide khu mahungu yaye, khavo: “Muthu watshavbo a khodwago a na mana gu tsetseledwa nya sighoho Linani Gwaye.”

Mithumo 3:18

Aholu, Nungungulu tadziside khu magirelo yaya satshavbo iso a nga si tivisago khu magana ya vaprofeti vatshavbo, nya gukhuye: Kristo Waye a di gu fanela gusaniseka.

Mithumo 3:22

Khu lisine, ganede Mosi, khuye: ‘Pfhumu Nungungulu a na tumbulugisa vbakari nya vandriyanu muprofeti nya gufanane ni eni. Mu na mu yingisani ga satshavbo a na gu mi embelago.

Mithumo 3:24

Vatshavbo vaprofeti va nga ganela, gukhugela Samuweli ni vale vatshavbo va nga mu landrela khu hwane, va tiviside matshigu yaya.

Mithumo 7:37

Khuye Mosi a nga ganela ga va na Israyeli, khuye: ‘Nungungulu a na wusa vbakari ga vandriyanu muprofeti nya nga eni.’

Mithumo 8:35

Khavbo avbo, Filipi a di phara khu tshoka yile nya Milowo a gu phela gu mu sasamedzela mahungu nya yadi ya Jesu.

Dhewuteronome 1:45

Avbo mu nga wuyago mu di ta thela ketso mbeli ga Pfhumu Nungungulu, aholu uye kha hakha gilo ketso yanu ambari gu mi yingisa.

Dhewuteronome 18:15

Pfhumu Nungungulu wago, a na gu wusela muprofeti vbakari gwago ni ga vandriyago, nya gufanane ni eni; guvbweta u mu yingisa,

Gutuledwa 19:10

Eni nyi di thega migondroni gwaye gasi gu yi khozela. Aholu, iyo yi di nyi embela, khiyo: “Ahihi! Wona gwadi! Eni nyi githumi kha nga uwe ni vandriyago vatshavbo va girago wufakazi wa Jesu. Nungungulu khuye basi a fanelago gu khozedwa.” Khu lisine, wufakazi wa Nungungulu khu liphuvbo nya wuprofeti.