Luka 24:19 - Bhibhiliya Nya Guage

¹⁹ Jesu a di va wudzisa, khuye: “Gasi ginani gi nga giregago?” Va di mu embela, khavo: “Iso si nga dugelelago Jesu wa Nazareta, muprofeti nya sigiro ni magana nya tshivba mahoni ga Nungungulu ni mahoni nya vathu vatshavbo.

Luka 24:19 Iomraidhean Croise

Matewu 21:11

Gidzemo gi di hakha, khigyo: “Khu Jesu, muprofeti wa Nazareta gwa Galileya.”

Marko 1:24

“Ginani hi nga gu ghohelago, Jesu wa Nazareta, wa gu tela guta hi mbembisa? Nyi ngu guti khuwe mani: Khuwe Gihathwa gya Nungungulu.”

Luka 24:18

Khavbo avbo, moyo wawe, nya gupwani khu Keleyofasi, a di hakha, khuye: “Ina khuwe basi u gu pfhumba, u hangwago khiso si nga dugelela tigoni momu ga Jerusalema matshigu yaya, gani?”

Luka 7:16

Vatshavbo va di tala khu githawo, va gu dhumisa Nungungulu, khavo: “Tumbulugide vbakari gwathu muprofeti nya khongolo; Nungungulu endrede ngamo yaye.”

Johane 3:2

A di hongola ga Jesu ni vbakari nya wutshigu, aya, khuye: “Rabi, hi ngu dziti nya gukhethu u dzude khu ga Nungungulu kha nga Muhevbudzi, kholu mwalo a kodzago gu gira siliwugiso nya nga iso u girago, a gu bani ari mwalo tshivbani ya Nungungulu.”

Johane 4:19

Nyamayi a di mu embela, khuye: “Pfhumu, nyi ngu wona gukheni u muprofeti.

Johane 6:14

Vathu vale, khu gu wona giliwugiso a nga girago, va di khavo: “Khu lisine, khuye oyu muprofeti a emisedwego guta tigoni.”

Johane 7:52

Va di mu phindrula, khavo: “Uwe nuwe u wa Galileya, gani? Khedza gwadi, u na wona nya gukhuwe mwalo muprofeti a dugelago Galileya.”

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

Mithumo 2:22

“Vama va na Israyeli, yingisani gwadi magana yaya. Jesu wa Nazareta dandrisidwe vbakari gwanu khu mithumo ya tshivba, ni siliwugiso, ni siwonegiso esi Nungungulu a giridego khu uye vbakari gwanu, kha nga mu dzitigo gwadi.

Mithumo 7:22

Khu guralo, Mosi a di hevbudzwa guti gwatshavbo wa Vagipiti, a diri ni tshivba khu magana ni mithumo.

Dhewuteronome 18:15

Pfhumu Nungungulu wago, a na gu wusela muprofeti vbakari gwago ni ga vandriyago, nya gufanane ni eni; guvbweta u mu yingisa,