Luka 23:4 - Bhibhiliya Nya Guage

⁴ Khavbo avbo, Pilato a di embela vakhongolo nya vaphasi ni gidzemo, khuye: “Gimwalo gihoso nyi gi manago ga muthu yoyu.”

Luka 23:4 Iomraidhean Croise

Matewu 27:19

Na khade phathani, a lamula, pfhumugadzi yaye yi di mu rumela lito, khiyo: “U nga dzi bedzi mahunguni ya muthu yoyo a lulamidego, kholu vbasilambo nyi sanisekide ngudzu khu dzindroro; khu kotani gwaye.”

Marko 15:14

Pilato a di engedza a wudzisa, khuye: “Gighoho muni a giridego?” Aholu avo va di gulumela gu vbindrisa, khavo: “Mu khokhothele! Mu khokhothele!”

Luka 23:22

Pilato a di va wudzisa nya wuraru, khuye: “Gighoho muni a gu nagyo? Gi mwalo nyi gi manidego gwaye gi lombago gu a songwe. Khu kharato, nyi na mu tsayisa, nyi mu diga a hongola.”

Johane 18:38

Pilato a di mu wudzisa, khuye: “Ginani lisine?” Na ganede esi, a di duga gambe vbavbandze, aya embela Vajudha, khuye: “Kha nyi mani nandru gwaye.

Mithumo 25:25

Aholu, eni kha nyi woni gwaye nandru nya guyele gu songwa. Kha nga a lombago guya lamudwa khu Sezari, nyi na mu yisa ga Sezari.

Mithumo 3:13

Nungungulu wa Abrahama, wa Isaki ni wa Jakobe, Nungungulu wa vababe vathu, rungudzide githumi gyaye Jesu, mu nga Mu ningelani enu, ni gu mu dangani mbeli ga Pilato; narigu uye a di guvbweta gu mi tshula, enu mu bomba.

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.

1 Pedro 1:19

Aholu, enu mu dzegisidwe khu Novba nya lisima wa Kristo, a gu uye Nvutana nyamba hasa, nyambana mavalavala.

1 Pedro 2:22

Uye gima kha gira giwono, gambe mwalo a mu pwidego na gu ganela guvivba khu kanani gwaye.

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.