Luka 23:2 - Bhibhiliya Nya Guage

² Va di phela gu mu ketsari, khavo: “Hi mane oyu mwama na gu kutsedzela vathu gu wugela mufumo, khuye: Mu nga livbini khupho ga Sezari, ni gukhuye uye kamwe khuye mufumeli Kristo.”

Luka 23:2 Iomraidhean Croise

1 Dzipfhumu 18:17

Avbo Akabi a nga wonago Eliya, a di khuye: “Khuwe mu muvhilinganyisi wa va na Israyeli, gani?”

Dzindzimo 35:11

Dzi ngu khuga dzifakazi nya malipha, dzi nyi singedza khu silo nyi si sitigo.

Dzindzimo 62:4

Va gu dwanela gu nyi tshisa vbavbatshi, va nengela khu gu nyi kanganyisa, va gu rungudza khu magana basi, aholu va vala khu myonyoni gwawe.

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 38:4

Khavbo avbo, manganagana ma di embela mufumeli, khayo: “Oyu muthu a ngu yela gufa; kholu a ngu vbedza tshivba masotshwa ma tshadego dhoropani momu ni gu rerekisa mandza nya vathu vatshavbo, khu gu ganela magana nya nga aya. Kholu mwama yoyu a gu suvela guvivba litigo leli, wulangani nya gu vbwete gurula.”

Amosi 7:10

Khu guralo, Amaziya, muphasi nya mhamba wa Bheteli, a di rumela guya embela Jerobhowamo, mufumeli wa Israyeli, khuye: Amosi giride gikungo nya gu guwugele, vbakari ga va na Israyeli; litigo kha li dzi kodzi gutimisela magana yatshavbo a ganelago.

Zakariya 11:8

Khu ngima moyo basi nyi tutumiside vahavisi vararu, kholu hefemulo wangu wu di garade khu dzinvuta dzangu, idzo nidzo dzi di swihala khu eni.

Matewu 17:27

Ambari ulo, gasi hi si tshunganisi muthu, indra phwani uya lova. Ndzandzi u na gu phelago khiyo gu mola, yi tule likana, u na mana dzitsapawu. Dzi dzege uya livba khidzo khupho wago ni wangu.”

Matewu 22:21

Va di hakha, khavo: “Khya Sezari.” Khavbo avbo, a di va embela, khuye “Ina kha, ningani ga Sezari iso si gu sa Sezari, ni ga Nungungulu iso si gu sa Nungungulu.”

Matewu 27:11

Jesu a di yiswa ga mwamangulu Pilato, a ngaya mu wudzisago, khuye: “Khuwe uwe Mufumeli wa Vajudha?” Jesu a di mu hakha, khuye: “U ganede idzo.”

Marko 12:17

Khavbo avbo, Jesu a di va embela, khuye: “Ningelani ga Sezari esi si gu sa Sezari, ni ga Nungungulu esi si gu sa Nungungulu.” Va di samadziswa ngudzu khuye.

Marko 15:2

Pilato a di mu wudzisa, khuye: “Khuwe Mufumeli wa Vajudha, gani?” Jesu a di hakha, khuye: “Khidzo u ganelago.”

Luka 23:14

“Mu nyi resede muthu yoyu kha nga moyo a gimbilago a kutsedzela vathu. Nyi mu wudziside mbeli gwanu, kha nya mana gwaye ni gihoso gimwegyo mu gukhenu giride.

Luka 23:5

Aholu avo va di simamisa, khavo: “Uye a ngu kutsedzela vathu Judheya gwatshavbo khiso a hevbudzago gukhugela Galileya kala omu.”

Johane 18:29

Khu kharato, Pilato a di duga vbavbandze, a gu wudzisa, khuye: “Ketso muni mu gu nayo ni muthu yoyu?”

Johane 18:30

Va di mu hakha, khavo: “Nari pwani khandri gighohi na ha sa mu resa avbo gwago.”

Johane 19:12

Gukhugela avbovbo, Pilato a di vbweta gu mu tshula; aholu, Vajudha va di gulumela, khavo: “Wa gu mu tshula, khuri pari ya Sezari; kholu muthu watshavbo a dzi girago pfhumu a gu yeyisa Sezari.”

Mithumo 24:13

Kha va dzi kodzi gu tiyisa esi va nyi ningago khiso nandru.

Mithumo 24:5

Hi wonide gukhethu oyu mwama vivbide. Khuye a wusago pfilupfilu ga Vajudha va mayigo yatshavbo. Khuye khongolo nya tsawa nya Vanazarenu.

Varoma 13:7

Khavbo avbo, livbani muthu ni muthu esi a gu fanelo. Livbani mikhupo ni gikhaba ni mihengo ga vale mu gu ni fanelo nya gu va livbe; ningani githawo vale va gu ni fanelo nya guningwe githawo, mu gu rungudza wule a fanelago gu rungudzwa.