Luka 22:70 - Bhibhiliya Nya Guage

⁷⁰ Vatshavbo va di mu wudzisa, khavo: “Sa gu yeyedza gupwani uwe u Mwamana wa Nungungulu, gani?” A di va hakha, khuye: “Mu ngu ganela, khenu kheni.”

Luka 22:70 Iomraidhean Croise

Dzindzimo 2:12

Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.

Dzindzimo 2:7

Nyi na huwelela nyi tivisa thetho wa Pfhumu Nungungulu. Uye a di nyi embela, khuye: Uwe u Gyanana gyangu, muhuno nyi gu velegide.

Matewu 26:25

Judha, wule a nga mu ningela, a di wudzisa, khuye: “A na ba nari eni, gani, Muhevbudzi?” Jesu a di mu hakha, khuye: “Khidzo u ganedego.”

Matewu 26:64

Jesu a di mu hakha, khuye: “U ganede. Ambari ulo nyi ngu mi embelani: Tshigu mwedo mu na wona Mwamana wa Muthu na khade nyamudye ga Nungungulu nya tshivba tyatshavbo, na guta khu mapfhini ya Ndzadzini.”

Matewu 27:11

Jesu a di yiswa ga mwamangulu Pilato, a ngaya mu wudzisago, khuye: “Khuwe uwe Mufumeli wa Vajudha?” Jesu a di mu hakha, khuye: “U ganede idzo.”

Matewu 27:43

Tumbide Nungungulu; a na vbulugiswe khuye a gu bani a mu gola, kholu ganede, khuye: ‘Eni nyi gyanana gya Nungungulu!’ ”

Matewu 27:54

Muthangeli nya gikwata nya lizana masotshwa, gumogo navo a nga bani a gu ghadha navo Jesu, na va wonide girevareva gile, gumogo niso si nga bani si dugelela, va di tala khu hwanga, va ganela, khavo: “Khu lisine oyu a diri Gyanana gya Nungungulu!”

Matewu 3:17

Khavbo lito nya gute khu Ndzadzini li di, khilo: “Oyu khu Mwamana wangu nya guhaladzege ngudzu, a nengedzisago monyo wangu.”

Matewu 4:3

Khavbo avbo, mulingi a di ta, khuye: “Wa gu bani uri Mwamana wa Nungungulu, ruma siwindri sesi si vbindrugedze si khala guhodza.”

Marko 14:62

Jesu a di khuye: “Kheni. Mu na wona Mwamana wa Muthu na khade nyamudye ga Nungungulu nya Tshivba Yatshavbo, na gu tshiga khu Ndzadzini vbakari nya mapfhi.”

Marko 15:2

Pilato a di mu wudzisa, khuye: “Khuwe Mufumeli wa Vajudha, gani?” Jesu a di hakha, khuye: “Khidzo u ganelago.”

Luka 22:71

Khavbo avbo, va di khavo: “Hi na dzi garadzela gambe ginani khu gu vbweta dzifakazi? Hi mu pwide hatshavbo na gu ganela abune.”

Luka 23:3

Pilato a di mu wudzisa, khuye: “Ina kamwe uwe khuwe Mufumeli wa Vajudha, gani?” Jesu a di mu hakha, khuye: “Khidzo uwe u ganelago.”

Luka 4:41

Ga vangi vakone ma di duga maphuvbo nya guvivbe, na ma gulumela, khayo: “Uwe u Mwamana wa Nungungulu!” Aholu uye a di ma kawuka ni gu ma degudza, kholu ma di gu muti nya gukhayo khuye Kristo.

Johane 1:34

Nyi si wone khu maho yangu; nyi ngu fakaza nya gukheni uye Mwamana wa Nungungulu.”

Johane 1:49

Natanayeli a di mu hakha, khuye: “Rabi! Uwe u Mwamana wa Nungungulu; u Pfhumu ya na Israyeli.”

Johane 10:30

Eni ni Babe hi moyo basi.”

Johane 10:36

Eni, Nungungulu a nyi hathide a nyi rumela mafuni. Khu ginani mu nyi wugelago khenu nyi na ni mapepetela kholu nyi nga ganela kheni nyi Mwamana wa Nungungulu?

Johane 18:37

Pilato a di khuye: “Gasi kamwe u Mufumeli?” Jesu, khuye: “Nya nga ulo u ganelago! Eni nyi Mufumeli! Nyi velegedwe isoso; khiso nyi si tedego mafuni, gasi guta ninga wufakazi nya lisine. Uye a gu wa lisine a ngupwa lito langu.”

Johane 19:7

Vajudha va di mu hakha, khavo: “Ethu hi na ni nayo. Khu guruma nya nayo yoyu, a ngu yela gufa, kholu a dzi giride Mwamana wa Nungungulu!”