Luka 22:52 - Bhibhiliya Nya Guage

⁵² Khavbo avbo, Jesu a di embela lidhuma latshavbo li nga yago gasi guya mu mola: Vakhongolo nya vaphasi, vathangeli nya Nyumba ya Nungungulu ni madhota, khuye: “Mu di donga matshari ni sighomba khwatshi mwa guta mola gighevenga!

Luka 22:52 Iomraidhean Croise

2 Dzipfhumu 11:15

Aholu muphasi nya mhamba Joyadha a di leletela vathangeli nya mitsawa nya lizana (100) va nga bani va thangela masotshwa, khuye: “Mu duseni vbavbandze nya tshatsha, gambe muthu nya gukari a gu mu landra mu songeni khu litshari.” Kholu muphasi nya mhamba a di ganela, khuye: “Mu nga mu songini Nyumbani ga Pfhumu Nungungulu.”

Matewu 26:47

Na nga guganela, a di bela moyo nya vale nya likhumi na vavili, nari ni libutho nya likhongolo nya vathu, va nga rumedwago khu vakhongolo nya vaphasi ni madhota, na vari ni matshari ni sighomba.

Matewu 26:55

Khavbo avbo, a di thendregedza a khedza gikwata gile nya vathu, khuye: “Mu di donga matshari ni sighomba gasi guta nyi mola, gukhwatshi nyi mbafa! Matshigu yatshavbo nyi diromo Nyumbani gwa Nungungulu aholu mwalo a nga nyi mola!

Luka 22:37

Kholu lisine nyi mi embelago kheli: Gu vbwetega si girege gwangu iso si ganedwago khu milowo, nya gupwani: ‘Sayedwe vbakari nya sighohi.’ Khu lisine, iso si nyi lindredego si ngu vbweta gu girega.”

Luka 22:4

A diya ganela ni vaphasi, gumogo ni dzindruna va hevbula mano nya guningele khayo Jesu.

Luka 22:51

Aholu Jesu a di va kawuka, khuye: “Basi! Va digeni.” A di phara ndzeve nya githumi a gi hawulugisa.

Luka 22:53

Matshigu yatshavbo nyi diri nanu Nyumbani ga Nungungulu, kha mwa nyi mola! Gasi egi khigyo gikhati gyanu, a gu mufumo nya gidema.”

Johane 17:12

Na nyi ngari navo mafuni nyi di gu va sayisa khu lina lago. Nyi sayiside vatshavbo u nga nyi ningago, mwalo ni moyo a nga dzimelago, vbavbandze ga wule gu nga vbwetega a dzimele, gasi gu tadzisega Milowo.

Mithumo 5:26

A di hongola muthangeli nya Nyumba ya Nungungulu ni dzindruna dzaye vaya va dzega nyamba va gurumedza khu tshivba, kholu va di gu thava gu pfarwa khu siwindri khu vathu.