Luka 22:37 - Bhibhiliya Nya Guage

³⁷ Kholu lisine nyi mi embelago kheli: Gu vbwetega si girege gwangu iso si ganedwago khu milowo, nya gupwani: ‘Sayedwe vbakari nya sighohi.’ Khu lisine, iso si nyi lindredego si ngu vbweta gu girega.”

Luka 22:37 Iomraidhean Croise

Isaya 53:12

Khu guralo, nyi na mu ninga vathu nya vangi, kha nga gipandre gyaye nya thomba, a na kabana phango gumogo ni sitetema; kholu a di ningela womi waye a songwa; a sayedwa gumogo ni sighohi, gikhati a rwadego sighoho sa vathu nya vangi, a di lombelela khu sighohi.

Marko 15:27

Gumogo naye, gu khokhothedwe dzimbafa dzimbili, mweyo khu nyamudye, yimbe khu nyambade.

Marko 15:28

[Yi di tadzisega kharati Milowo yi nga, khiyo: “Sayedwe tsawani nya sighohi.”]

Luka 18:31

Na dzegide vale nya likhumi na vavili, a di va embela, khuye: “Mu ngu, wonani, olu ha gu gwela Jerusalema, iyo si naya tadzisegago satshavbo sile si nga lowago khu vaprofeti na si gu lumba Mwamana wa Muthu.

Luka 22:22

A gu nari Mwamana wa Muthu, a na landrisa esi si hungidwego khu Nungungulu. Aholu libango li na ni wule a na mu ningelago!”

Luka 22:36

A di engedza gambe, khuye: “Gasi olu, uye a gu ni gipatsi a na phare; nuye a gu ni rava a na phare nuye. Uye a gu mwalo litshari, a na rengise libhadzi gasi gu renga litshari limwedo.

Luka 22:52

Khavbo avbo, Jesu a di embela lidhuma latshavbo li nga yago gasi guya mu mola: Vakhongolo nya vaphasi, vathangeli nya Nyumba ya Nungungulu ni madhota, khuye: “Mu di donga matshari ni sighomba khwatshi mwa guta mola gighevenga!

Luka 23:32

Va di gu yisa niso sighevenga sivili, gasi guya songwa naye.

Luka 24:27

Khavbo avbo, a di va tshamusela milowo yatshavbo yi nga bani yi ganela khu uye, guphela khu Mosi kala gu vbedza vaprofeti vatshavbo.

Johane 10:35

Milowo nya Guage kha yi fuvi. Nungungulu a gu rana khuye vanungungulu vathu vale va hakhago mahungu yaye.

Johane 17:4

Nyi gu dhumiside mafuni, kholu nyi vbedzidego thumo u nga nyi rumelago.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Vagalatiya 3:13

Kristo a hi vbulugiside ga givalo nya Nayo khu gu dzi ningela a vadwa wulangani gwathu. Kholu Milowo nya Guage yari, khiyo: “Vadwe muthu watshavbo a vbayegwago vbagihambanotunu.”