Luka 22:29 - Bhibhiliya Nya Guage

²⁹ Khu kharato, nyi na mi ningani mufumo kha nga Babe a nga nyi ningago neni,

Luka 22:29 Iomraidhean Croise

Matewu 24:47

Khu lisine nyi ngu mi embelani nya gukheni a na gi vega kha nga muthangeli nya silo saye satshavbo.

Matewu 25:21

Pfhumu yi di, khiyo: ‘U tshambiside, githumi nya gyadi, nya gutumbege; kha nga olu u nga thembegago siloni nya sidugwana, nyi na gu pharisa nya singi. Bela buzoni gwa pfhumu yago.’

Matewu 25:34

Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Matewu 5:10

Va kategide vale va saniswago khu gu landra ndruda, kholu khwawe Mufumo wa Ndzadzini.

Matewu 5:3

“Si kategide sisiwana liphuvboni, kholu khwawe Mufumo wa Ndzadzini.

Luka 12:32

Jesu a di engedza, khuye: “Mu nga thavi, tshambi dugwana, kholu Babe wanu dzinide gu mi ninga mufumo waye.

Luka 19:17

Mufumeli a di mu hakha, khuye: ‘U giride gwadi githumi nya gyadi; kha nga olu u nga thembegago ga silo nya sidugwana, nyi na gu pharisa ndronga nya gufumele likhumi madhoropa.’

1 Vakorinto 9:25

Vathu vatshavbo va girago mapalisana va gu dzi phara siloni satshavbo. Va gu gira satshavbo esi khu gufela gu koka givango nya simbo nyamba hwela gufa. Gasi ethu ha gu thumela gu koka givango gi vbanyago kala gupindruga.

2 Vakorinto 1:7

Gutumba gwathu ga enu gu tiyide, khu gu dziti gukhethu mu ngu hengela ni ethu mu gusanisekani gwathu, khavbo avbo, mu na hakha nenu guthaveledwa gwathu.

2 Thimoti 2:12

Ha gu saniseka gumogo naye, hi na fuma naye. Ha gu mu danga, uye nuye a na hi danga.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

1 Pedro 5:4

Gikhati a na gutago Muhavisi nya khongolo, mu nata hakha gihugu nya wudhumo nyamba kuwuluga.

Gutuledwa 21:14

Libhiyo nya lidhoropa li vbahidwe vbatshani nya likhumi na sivili siseketelo si lovidwego likhumi na mavili malina nya vapostoli va Nvutana.