Luka 22:26 - Bhibhiliya Nya Guage

²⁶ Gasi vbakari gwanu gu nga giregi kharato; uye a gu khongolo a na khale kha nga mahegisela; ni uye a rumago kha nga uye a thumelago vakwawe.

Luka 22:26 Iomraidhean Croise

Matewu 20:26

Gu nga giregi kharato vbakari gwanu. Aholu oyu a golago gu khala khongolo vbakari gwanu, a na khale githumi gyanu.

Marko 10:43

Gu nga giregi kharato vbakari gwanu. Aholu, oyu a vbwetago gu khala khongolo vbakari gwanu, a na dzi gire githumi gyanu;

Marko 9:35

Khavbo avbo, Jesu a di khala vbavbatshi a rana vale nya likhumi na vavili, a va embela, khuye: “Oyu a vbwetago gu khala nya guhegule, a na khala uye mahegisela ni githumi gya vatshavbo.”

Luka 9:48

“Muthu watshavbo a na hakhago gyanana nya nga egi khu lina langu, kheni a nyi hakhago. Gasi uye a nyi hakhago, a gu hakha wule a nga nyi rumelago. Kholu wule a dzi sodzisago ngudzu vbakari gwanu, uyoyo khuye a gu khongolo.”

Varoma 12:2

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

1 Pedro 5:3

Mu nga dzi girini vamune, mu khozisa vathu mu ningidwego, aholu khalani giwonelo nya tshambi.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”