Luka 22:19 - Bhibhiliya Nya Guage

¹⁹ Khavbo avbo, a di dzega gibaba, na gu bonga, a di gi kabanisa, a va ninga, khuye: “Egi givili gyangu, gi na ningedwago khu kotani yanu; girani esi khu gialakanyo gyangu.”

Luka 22:19 Iomraidhean Croise

Dzindzimo 111:4

Giride gukhuye siliwugiso saye si na alakanywe; Pfhumu Nungungulu a na ni wuhindzi gambe tade khu wuwadi.

Gizimba 1:4

Nyi phare, nyi gulandrela khu gututuma! Mufumeli a nyi bedzide makhuvini gwaye. Hi na gu zundza hi gu tsakela. Hi na nengela ni gutsaka avbo gwago, hi na gualakanya khu lihaladzo lago nya gutshambe guvbindra dosi nya dziuvha. Avo valulamidego, va ngu gu gola.

Ezekiyeli 37:11

Khavbo avbo, a di nyi embela, khuye: “Mwamana wa muthu, marambo yaya khu va na Israyeli. Avo vari, khavo: Marambo yathu ma bangide, gu mbembide gutumba gwathu; hi mbembisidwe.

Ezekiyeli 5:5

Mune Pfhumu Nungungulu, a ngu ganela kharati, khuye: “Eli khu lidhoropa la Jerusalema; nyi li vegidego vbakari nya vathu ni mayigo nya vaakelane vaye.

Dhaniyeli 2:38

Malangani yatshavbo a gu ningide vathu, sirengo sa khabini ni sinyoni sa damboni, a si ningede mandzani gwago, gasi satshavbo si fumwa khuwe, hungo nya ndralama khuwe.

Matewu 14:19

Hwane nya gu bani a rumide gidzemo gu khala vbavbatshi, avbo wu nga bani wu romo mwasi, a di dzega sibaba sile nya livbandre ni dzindzandzi dzimbili, a gu khusedza maho, a si kategisa; a di pilela sibaba a gu si ningela ga vapizane, avo va si kabanisela gidzemo.

Matewu 15:36

a dzega sibaba sile nya livbandre na sivili ni sindzandzyana sakone, a bonga, a si pilela, a si ningela ga vapizane, vapizane va si kabanisela vathu.

Luka 22:17

Na dzegide gikombe, a di bonga, khuye: “Dzegani, mu tshiyelana mwatshavbo.

Luka 22:20

[Hwane nya gilalelo, a di dzega gikombe, a gira idzosaye, khuye: “Gikombe gegi khya gidzumeledzwano nya giphya gi tiyiswago khu novba wangu, wu na vbaladzedwago enu.]

Luka 24:30

Na khade vbamezatunu, a di dzega gibaba, a gi kategisa, a gi kabanisa, a va ninga.

Johane 6:23

Dzi di vbohide dzimbe dzingalava khu Tibheriyade vbafuvbi ni vbale va nga hodzago sibaba si nga kategiswa khu Pfhumu.

Johane 6:51

Eni nyi guhodza nya guvbanye gu tshigidego khu Ndzadzini. Uye a gu hodzago a na vbanya kala gupindruga; guhodza nyi na ningelago khu givili gyangu, gasi guvbanyisa litigo.”

1 Vakorinto 10:16

Gasi gikombe nya gikategiso hi rungudzago khigyo, khandri wuhengeli Novbani wa Kristo, gani? Ahati gibaba hi pilago, khandri wuhengeli givilini gya Kristo, gani?

1 Vakorinto 10:4

va gu sela gambe mati ya mamowo nya liphuvbo ma nga pfhurugago khu mugiwindrini nya Liphuvbo gi nga bani gi gu va bangaladza, giwindri gyogyo khu Kristo.

Vagalatiya 1:4

Uye a dzi ningede a gu songwa khu kotani nya sighoho sathu, gasi a hi tshule ga litigo leli nya guvivbe hi vbanyago ga ilo, gu tadzisega kharati guhaladza gwa Nungungulu Babe wathu.

Vagalatiya 4:25

Wonani, Agari yoyu khu gigomo gya Sinayi gi guromo tigoni ga Arabhiya, a gu giwonelo gya Jerusalema ga muhuno a gu khumbi gumogo ni vathu vaye.

Vaefeso 5:2

Vbanyani khu lihaladzo, kha nga Kristo a nga hi haladzago a dzi ningela khu kotani yathu “a khala mhamba nya phaso nya mahema nya gunungele gwadi ga Nungungulu.”

1 Vatesalonika 5:18

Bongani Nungungulu ga silo satshavbo. Aya khayo mavbanyelo a ma vbwetago Nungungulu vbakari gwanu, ni wuhengeli ga Jesu Kristo.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.