Luka 22:18 - Bhibhiliya Nya Guage

¹⁸ Kholu nyi ngu mi embelani nya gukheni kha nyi na sela gambe wadwa nya dziuvha kala wu vboha Mufumo wa Nungungulu.”

Luka 22:18 Iomraidhean Croise

Dzindzimo 104:15

Mafu ma ngu ninga vbinyu yi tsakisago myonyoni nya vathu, mafura ma nyelugisago dzikhovbe, ni guhodza gu wusedzago tshivba.

Gizimba 5:1

Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Isaya 25:6

Gigomoni momu, Pfhumu Nungungulu nya Tshivba Yatshavbo, a na dongisela buzo nya khongolo ga vathu vatshavbo va tigoni, buzo nya nyama nya gunone, ni vbinyu nya gutshambe gwadi, guhodza nya mafura nya guphudwe gwadi, vbinyu nya guvave nya gutshambe gwadi.

Isaya 55:1

Enu mwatshavbo mu pwago lidora, deluni gibugani nya mati; ni enu mu gu mwalo dzitsapawu, deluni mu ta renga mu hodza; ina, deluni mu ta renga na muri mwalo dzitsapawu, mu na mana vbinyu ni mahwe mahala.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Zakariya 9:15

Pfhumu Nungungulu nya Tshivba Yatshavbo a na vhikela vathu vaye, a na mbembisa valala vaye, va gandredzela siwindri nya gundziwitedwe; va na sela novba wa valala vawe va gira ligwaha kha nga vathu va levidego khu vbinyu; kha nga novba nya sirengo wu tadzago dzimbiya nya miphaso, va mitegedzela kha nga mati dzikhonani nya giluvelo.

Zakariya 9:17

Kholu wudhumo wawe wu na bani wuri wukhongolo ngudzu! Ni gumbura gwawe gu na bani guri gukhongolo ngudzu! Tirigu ni wuuvha nya dosi si na dandrisa madzaha ni dzimbiri.

Matewu 16:18

Eni neni nyi ngu gu embela, kheni: Uwe khuwe Pedro; vbatshani nya giwindri gegi nyi na vbaha libandla langu. Ni tshivba nya mufumo nya lufu kha yi na li gira gilo.

Matewu 26:29

Nyi ngu mi embelani, kheni: Gukhugela olu, kha nyi na sela gambe wadwa nya dziuvha kala litshigu nyi na wu selago nanu nyaluphye mufumoni wa Babe wangu.”

Marko 14:23

Khavbo avbo, a di dzega gikombe a bonga a va ninga va tshiyelana;

Marko 14:25

Khu lisine nyi ngu mi embelani gukheni gima kha nyi na nga sela gambe nanu wadwa nya dziuvha, kala litshigu lile nyi na gu wu selago nyaluphye Mufumoni wa Ndzadzini.”

Marko 15:23

Va di mu ninga wadwa nya gupatwe ni rendre, aholu, kha nga sela.

Marko 9:1

Jesu a di va embela gambe, khuye: “Khu lisine nyi ngu mi embela gambe gukheni, vbakari nya avo va guromo avba vomo va na gumba linga gufa kala va gu wona gu vboha Mufumo ni tshivba ya Nungungulu.”

Luka 21:31

Kharati nugo, mwa gu wonani satshavbo sesi, mu na dzitini nya gukhenu Mufumo wa Nungungulu wu vbohide.

Luka 22:16

kholu nyi ngu mi embelani, kheni: Kha nyi na yi hodza gambe, kala yi tadzisega Mufumoni wa Ndzadzini.”

Luka 9:27

“Nyi ngu mi embelani, khu lisine, kheni: Vbakari gwanu vomo va na gumba linga lufu, kala va wona Mufumo wa Nungungulu.”

Vakolosi 1:13

A hi vbulugiside tshivbani nya gidema a gu hi bedza mufumoni wa Mwanaye nya gigodwa.

Valamuli 9:13

Khu guralo, uvha wu di va embela khuwo: Gu ngu kodzega gu eni nyi hambana ni vbinyu yangu, iyo yi tsakisago Nungungulu gumogo ni vathu, nyi ya khala mufumeli nya misimbo, gani?