Luka 21:8 - Bhibhiliya Nya Guage

⁸ Jesu a di hakha, khuye: “Dzi woneleni, gasi mu si kanganyiswi khu vathu, kholu va na tumbuluga nya vangi va ganela khu lina langu, khavo: Kheni Kristo. Ni gukhavo: ‘Gi ngu vboha gikhati.’ Mu nga va landri.

Luka 21:8 Iomraidhean Croise

Jeremiya 29:8

Kholu Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Mu nga khanganyiswi khu vaprofeti vanu va guromo vbakari gwanu, ambari vafembi vanu, mu nga dzumeli gu sengwa khavo khu miloro mu yi lorago,

Matewu 24:11

Va na tumbuluga vaprofeti nya vangi nya malipha, va na gu pengisago va nya gutala.

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 4:17

Khavbo avbo, Jesu a di phela gu hevbudza, na gu ganela, khuye: “Vbindrugedzani mavbanyelo, kholu Mufumo wa Ndzadzini womo vbafuvbi.”

Luka 17:23

Va na mi embelani, khavo: ‘Kha mu li woni lile!’ Mwendro gukhavo: ‘Kha mu li woni eli.’ Mu nga yini, gambe mu nga va landri.

Luka 21:7

Khavbo avbo, va di mu wudzisa, khavo: “Muhevbudzi, lini si na gu dugelelago satshavbo soso? Giwonegiso muni gi na yeyedzago pwani silo sesi somo vbafuvbi ni gu dugelela?”

Luka 21:9

Mwa gupwa na gu ganedwa khu dzinyimbi ni guwugelana, mu nga thurugini, kholu si na ni fanelo nya guphele khiso si girega, aholu khandri guhegisa.”

Johane 5:43

Nyi dzude khu lina la Babe wangu, enu kha mwa nyi hakhani; aholu mumbe muthu a guta khu lina laye, mu nata mu hakha.

Johane 8:24

Khu kharato nyi nga mi embelago nya gukheni mu na fela giwononi gwanu, kholu mwa gumba khodwa nya gukhenu eni kheni kamwe, mu na fela giwononi gwanu.”

Johane 8:28

Khavbo avbo, Jesu a di khuye: “Gikhati mu na khusedzago Mwamana wa Muthu, mu na dzitini gukhenu kheni mani. Mu na wona nya gukhenu gimwalo nyi girago khu gu gi khugela, aholu mu na dziti gukhenu nya gu ganela kha nga idzo a nyi hevbudzidego khidzo Babe.

1 Vakorinto 6:9

Ina mwa gu hangwa khu gukhenu va nya guvivbedwa khu monyo, gima kha va na nga hodza thomba nya Mufumo wa Nungungulu, gani? Mu nga dzi pembi! Va nya horo, va nya guphasa sithombe nya vanungungulu nya malipha, ni sibhayi, ni vama va dzi girago vanyamayi, va bhayana khu gyawe mwama ni mwama kwawe,

Vaefeso 5:6

Mu nga dzumelini gu sengwa khu muthu khu magana nyamba phasa gilo, kholu sighoho nya nga esi khiso si ranago likhulo la Nungungulu ga ava nyamba yingisa.

2 Vatesalonika 2:3

mu nga dzumelini gukanganyiswa khisoso. Litshigu lolo kha li na ngata gu si gu manegi guwugela nya guhegise; a na dugelela muwugeli, oyu a dongisedwego gumbemba.

2 Thimoti 3:13

Aholu, vathu va nya guvivbedwa khu monyo ni vakanyisi va gu simamisa gu gira guvivba, va kanganyisa vakwawe, bwelo khavbo va kanganyiswa.

1 Johane 4:1

Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.

2 Johane 1:7

Vakanganyisi nya vangi va phalalegide tigoni gwatshavbo, avo va gu hevbudza gukhavo Jesu Kristo gima kha nga dzi gira muthu. Oyu a ganelago kharato, mukanganyisi, nala wa Kristo.

Gutuledwa 1:3

Kategide wule a hevbulago libhuku leli; ni vale vapwago magana yaya nya wuprofeti, va ma vegedza myonyoni gwawe silo si lovidwego, kholu satshavbo sesi, somo vbafuvbi nya gugirege.

Gutuledwa 12:9

Khidzo a nga tshipiswa khidzo mwamilambo nya khongolo, mamba nya guhegule, yi ranwago pwani khiyo dhemoni, ni Sathane, mupembi nya litigo latshavbo. Rinyidwe mafuni gumogo ni dzingilozi dzaye.