Luka 21:37 - Bhibhiliya Nya Guage

³⁷ Matshigu yatshavbo Jesu a di gu hevbudza Nyumbani ga Nungungulu; vbasilambotunu a di hongola Gigomoni nya Miolivha, aya lala iyo vbavbandze.

Luka 21:37 Iomraidhean Croise

Luka 22:39

Kha nga giolovedzo gyaye, a di duga a gu hongola gigomoni nya Miolivha. Vapizane va di hongola naye.

Marko 11:19

Aholu, na li hwide, va di duga dhoropani.

Matewu 26:55

Khavbo avbo, a di thendregedza a khedza gikwata gile nya vathu, khuye: “Mu di donga matshari ni sighomba gasi guta nyi mola, gukhwatshi nyi mbafa! Matshigu yatshavbo nyi diromo Nyumbani gwa Nungungulu aholu mwalo a nga nyi mola!

Matewu 21:17

A di va diga, a duga khu dhoropani a hongola Bhetaniya aya lala.

Matewu 21:1

Na va guvbweta gu vboha Jerusalema, na varomo Bhetifage, mugigomoni nya Miolivha, Jesu a di ruma vapizane vavili, khuye:

Mithumo 1:12

Khavbo avbo, Vapostoli va di bwelela va gu hongola Jerusalema khu gigomoni nya miolivha, gi khalago vbafuvbi ni Jerusalema, gipimo nya guningane pfhuka wu dzumedziswago gu gimbila khu litshigu nya Sabhadho.

Johane 12:1

Na gu nga tshade livbandre na limwedo matshigu, gasi guhodzwa Phasika, Jesu a diya Bhetaniya, iyo a nga bani a gu vbanyela iyo Lazaro, wule a nga mu wusago khu gufani.

Luka 19:37

Gikhati va nga vbohago releloni nya gigomo nya Miolivha, vapizane vaye vatshavbo va di phela gu womba mikulungwane, va rungudza Nungungulu khu siliwugiso satshavbo va nga si wonago,

Marko 11:12

Khu mindru gakone, na va gu duga khu Bhetaniya, a dipwa ndzala.

Matewu 26:30

Na va embidelede nombelo nya ndzimo, va di duga va gu hongola gigomoni nya Miolivha.

Zakariya 14:4

Khu litshigu lolo, a na ema khu migondro yaye mugigomoni nya Miolivha gi guromo mbeli nya lidhoropa la Jerusalema, khu phuvbo ga Khugadambo. Gigomo nya Miolivha gi khedzanidego ni Jerusalema khu Khugadambo kala Muhwadambo, gu na manega kova nya wukhongolo ngudzu. Gimbe gipandre nya gigomo gi na thegela Wuronga, gimbe gi thegela Marandzi.

Marko 14:49

Matshigu yatshavbo nyi diri nanu Nyumbani ga Nungungulu nyi gu hevbudza, kha mwa nyi mola. Aholu gu giregide kharato gasi gu tadzisega Milowo.”

Luka 19:29

Na va gu vboha Bhetifage ni Bhetaniya, vbafuvbi ni gigomo gi ranwago Gigomo nya Miolivha, Jesu a di ruma vapizane vavili,

Luka 19:47

Jesu a di gu hevbudza matshigu yatshavbo Nyumbani ga Nungungulu. Aholu vakhongolo nya vaphasi nya mhamba ni vahevbudzi nya Nayo ni madhota, va di gu zama ndzila nya gu mu songe;

Johane 18:2

Judha, wule a nga mu ningela, a di gu wuti wulanga wule, kholu Jesu a di gu tshangana vbale ni vapizane vaye dzinyondro nya dzingi.