Luka 21:36 - Bhibhiliya Nya Guage

³⁶ Khu kharato, khalani na mu dongide, na mu gu lombelela gikhati gyatshavbo, gasi mu mane tshivba nya guvbuluge ga satshavbo si na gu dugelelago, mu kodza guta manwa khu Mwamana wa Muthu na mu nga tsaramide.”

Luka 21:36 Iomraidhean Croise

Joba 27:10

Mwendro muthu nya guvivbedwe khu monyo, a na salalegisa Uye a gu ni Tshivba Yatshavbo, gani? Mwendro a na lombelela ga Nungungulu gikhati gyatshavbo, gani?

Dzindzimo 1:5

Khu guralo, vathu nya guvivbe myonyo, kha va na vbuluga litshigu nya gulamudwe, ni sighohi kha si na mana wulanga tshanganoni wa va nya gululama.

Jeremiya 35:19

Pfhumu Nungungulu nya Tshivba Yatshavbo, Nungungulu wa Israyeli a ngu ganela kharati, khuye: Ndrani nya livelego la Jonadhabhi, mwamana wa Rekabhi, gima kha gu na hamugega muthu a na gu thumago mbeli gwangu matshigu yatshavbo.”

Malakiya 3:2

Khu mani a na li tiyelago litshigu nya gute gwaye? Khu mani a na gu ema mbeli gwaye a tiya, a gu dzi wonegisa? Kholu uye a nata nga nilo nya tengele wa mupfhuli, ni sabawu ya muhandzi.

Matewu 24:42

Khu kharato, khalani na mu dongide, kholu kha mu li ti litshigu yi tago Pfhumu yanu.

Matewu 24:43

Khalani na mu dziti nya gukhenu: Nari pwani mune ndranga a ngu giti gikhati yi na gu tago khigyo mbafa vbakari nya wutshigu a na gu ghadha, gasi a si phangedwi nyumba yaye.

Matewu 24:44

Khu kharato, enu nenu khalani na mu dongide, kholu Mwamana wa Muthu anata gikhati mu na gumba gi lindrela.

Matewu 25:13

Khu kharato, khalani na mu dongide, kholu kha mu liti litshigu ni gikhati a natago khigyo Mwamana wa Muthu.

Matewu 26:41

Lirelani na mu gu lombelela, gasi mu si thegeli gusengwani. Hefemulo tade khu tshivba, aholu givili gi mwalo tshivba.”

Matewu 8:20

Jesu a di mu hakha, khuye: “Migehe yi na ni mavbala yawe; sinyoni sa damboni si na ni sihaga sawe. Aholu Mwamana wa Muthu mwalo avbo nya gukhihimele hungo waye.”

Marko 13:33

Dzi woneleni, khalani na mu dongide ni gu lombelela, kholu kha mu liti litshigu ambari gikhati.

Marko 13:37

Esi nyi mi embelago nya gu embela vatshavbo, kheni: Khalani na mu dongide.

Luka 1:19

Ngilozi yi di mu phindrula, khiyo: “Eni kheni Gabriyeli, wule a guromo mbeli ga Nungungulu; nyi di rumedwa gasi guta gu tivisa mahungu yaya nya gutsakise.

Luka 18:1

Khavbo avbo, a di va embela gipimaniso gi yeyedzago giguruvedzo nya gulombelele nyamba garala, khuye:

Luka 20:35

Aholu vale va na manwago vari ni fanelo nya guya vbanya ga limbe litigo gumogo ni gu wuga khu gufani, avovo kha va dzegi gambe kha va dzegwi.

Luka 21:35

kholu ilo li nata kha nga naphwi a riyidwego vbakari nya vathu vatshavbo, va mafuni.

Mithumo 10:2

Mwama yoyo a diri mukhongeli nya githawo ga Nungungulu, uye ni ndranga yaye yatshavbo. A di phasedzela vathu khu silo, ni gu lombelela Nungungulu nyamba garala.

1 Vakorinto 16:13

Khendzugani mu tiya gukhodwani, mu gira nga vama, mu dzi ninga tshivba.

2 Vakorinto 4:14

Hi ngu dziti nya gukhethu Uye a nga wusa Jesu, a na hi wusa nethu gumogo ni Uye, a na hi emisa gumogo ni enu mbeli gwaye.

Vakolosi 4:2

Pharisani gu gira nombelo khu hefemulo ni gu bonga khu monyo;

1 Vatesalonika 5:17

Mu nga garali khu gu gira milombelo.

2 Thimoti 4:5

Aholu, uwe tiya u timisela sigaradzo satshavbo, dzi vegise thumoni gwago nya gutivise Mahungu nya Yadi, u vbedzisa thumo wago.

1 Pedro 4:7

Mahegiso nya silo satshavbo gomo vbafuvbi. Gu vbwetega mu gengela, mu dzi wonela, gasi mu kodze gu lombelela.

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.

1 Johane 2:28

Khidzo, vanavangu! Pharisani guhengela naye, gasi hi tiye longo gikhati a na dzi wonegisago. Kharato, kha hi na nga khala dzitshoni, hi sihala, litshigu a na wuyago.

Judha 1:24

Aholu, wule a gu na ni tshivba nya gu mi vhikele, gasi mu si dhedhereki; ni gu mi vbwelegedza a mi vbohisa na mu tsakide, na mu agide nyambana giwono mbeli nya wudhumo waye;

Gutuledwa 11:4

Dzifakazi dzedzi nya dzimbili khu misimbo mivili nya miolivha, gumogo ni dzikandriya dzimbili dzi guromo mbeli ga Pfhumu nya litigo.

Gutuledwa 6:17

kholu Litshigu likhongolo nya likhulo laye li vbohide; khu mani a na gu li tiyelago?”

Gutuledwa 7:9

Hwane nya isoso nyi di wona mwandra nya wungi ngudzu nya vathu nya mayigo, mahundzu, mafumbu, malimi yatshavbo, a gu mwalo muthu a dzi kodzago gu wu saya. Va di emide mbeli nya gikhalo nya wufumu ni mbeli nya Nvutana, na va ambade dzingandzu nya guage, va phara migindru mandzani.

Gutuledwa 8:2

Khavbo avbo, nyi di wona dzingilozi dzile nya livbandre na dzimbili dzi guromo mbeli ga Nungungulu, na dzi gu ningwa livbandre na mivili mipundru.