Luka 21:34 - Bhibhiliya Nya Guage

³⁴ “Dzi woneleni, mu nga pfhali khu limidzo ni gu leva, gambe mu nga pfhadzwi khu sigaradzo nya guvbanye! Mu ngata manwa khu litshigu lolo na mu pfhade,

Luka 21:34 Iomraidhean Croise

Genesi 19:32

Delu, hongole hi sedza wadwa babe a leva ethu hi lala naye; hi na wusa kharato livelego la babe wathu.”

Genesi 19:35

Va di sedza wadwa babe wawe ni wutshigu wowo gambe, nyamahegyane nya nandra a di ya lala ni babe waye a ngamba pima gilo gikhati a nga ta lala ni gikhati a wugidego.

Genesi 27:14

Jakobe a di hongola aya mola siphongwana a gu wuya naso ga mayi waye. Uye a di ta phula gwadi a tshambisela kha nga idzo a nga bani a gu gola khidzo babe waye.

Dzindzimo 35:8

Va na dugedwe khu libango va si li vireligo, va na modwe vabune khu naphwi va wu dembidego; va thegela phalani va li kembidego.

Mavingu 21:4

Maho nya gu dzi khusedze ni monyo nya matshandza, mwenge wa va nya guvivbedwa khu monyo, gambe si ngu va ghohisa.

Mavingu 23:20

U nga hengeli gumogo ni dzibewudzi, ambari ni va nya limidzo nya nyama.

Muhevbudzi 9:12

Muthu nuye kha giti gikhati gyaye nya gufe; a gu fanana ni ndzandzi yi modwago khu ligoga, ni ginyoni gi modwago khu naphwi, sanana nya vathu niso kharato, si na dugedwa khu mhango gikhati gyawe, va thegedwa khiyo khu githugedza.

Isaya 28:7

Aholu avo navo va ngu dhedhereka khu kotani nya vbinyu, kha va kodzi ni gu ema, kholu va sedego wadwa nya guvave. Ambari vaphasi nya mhamba ni vaprofeti va ngu dhedhereka khu kotani nya wadwa nya guvave ngudzu. Va levide khu vbinyu, va ngu dhedhereka khu kota nya wadwa; va gu profeta, va gu ganela mapongowongo, va tshomborosela mahungu gulamulani gwawe.

Hoseya 4:11

Wubhayi, vhinya ya gale ni wadwa, si ngu songa mapimo.

Levhi 10:9

“Wa guta bela Tshatshani nya Tshangano, u nga seli vbinyu mwendro wadwa nya guvave, uwe ni sanana sago, kholu wa gu sela u nafa. Oyu nayo nya gupindruge ga sanana sanu,

Matewu 13:22

Mbewu yi nga thegela mibani, khu wule a pwago mahungu; aholu sigaradzo nya guvbanye ni dzithomba nya mafu si midza mahungu, ma hegisago khu gumba thela gilo.

Marko 13:9

“Dzi woneleni, kholu va na mi ningela ga valamuli, mu na ya kwamudwa Dzinyumbani nya nombelo, mu yiswa ga vamwamangulu ni vafumeli khu kotani yangu, gasi gu nyi fakazani mahoni gwawe.

Marko 4:19

aholu, va gu dzi garadza khu silo nya mafu, va gu padwa khu dzithomba ni gudogorela mafumbo yatshavbo nya silo; satshavbo esi si ngu midza mahungu ma si theli mihandro myonyoni gwawe.

Luka 10:41

Pfhumu a di mu hakha, khuye: “Marta, Marta, wa gu garadzega ni gu dzi hita khu silo nya singi,

Luka 12:40

Enu nenu, khalani na mu dongide, kholu Mwamana wa Muthu a na vboha gikhati mu na gumba gi pimisa.”

Luka 17:3

Dzi woneleni! Wa gu hosedwa khu ndriyago, mu kawuke. A gu dzi sodzisa, mu tsetselele.

Luka 21:35

kholu ilo li nata kha nga naphwi a riyidwego vbakari nya vathu vatshavbo, va mafuni.

Luka 21:8

Jesu a di hakha, khuye: “Dzi woneleni, gasi mu si kanganyiswi khu vathu, kholu va na tumbuluga nya vangi va ganela khu lina langu, khavo: Kheni Kristo. Ni gukhavo: ‘Gi ngu vboha gikhati.’ Mu nga va landri.

Luka 8:14

Mbewu yi nga thegela mibani khu vale nya gu, na va pwide mahungu ya Nungungulu va hegisa khu gu ma diga va padwa khu sigaradzo nya guvbanye, khu dzithomba ni sihungato nya mafu, iso si girago gu va si theli mihandro.

1 Vakorinto 5:11

Gasi eni nyi mi lovede gukheni mu si thangini wupari ni wule a gukhuye mukhodwa ga Kristo nari muthu nya wubhayi, nya lidiwo, nya guphasele vanungungulu nya malipha, nya guvale, ni guleva ni guba. Muthu nya nga yoyo mu nga hodzelani naye, ambari gu khala naye meza mweyo.

1 Vakorinto 6:10

ni dzimbafa, ni va nya ligungo, ni dzibewudzi, ni va nya milembo, ni va nyambana milayo, gima kha va na bela Mufumoni wa Ndzadzini.

Vagalatiya 5:20

gukhozela vanungungulu nya malipha, guphasela sithombe, sikwembu ni wutumbe, livengo, gudwanisana, wufu, likhulo, dzihanyi, guwandra, guwugelana khu mitsawa;

Dhewuteronome 29:19

Pfhumu Nungungulu kha na nga dzumela gu mu tsetselela; gambe li na engedzelana gu khondra likhulo la Pfhumu Nungungulu ga muthu yoyu, sitsayiso satshavbo si lovidwego libhukuni momu, si na thegela vbatshani gwaye. Pfhumu Nungungulu a na futa lina laye mafuni.

Vafilipi 4:6

Mu nga garadzegi khu gilo. Omu nya milombelo yanu lombani esi mu si vbwetago ga Nungungulu, khu monyo nya gubonge.

Vahebheru 12:15

Dzi woneleni, gasi ni moyo wanu a si segedwi wuhigo wa Nungungulu. Dzi woneleni, gasi ni moyo wanu a si khali nga khamba nya guvave wu bayisa vathu nya vangi khu wuvasi waye.

2 Pedro 3:10

Aholu Litshigu la Pfhumu li na vboha kha nga mbafa vbakari nya wutshigu. Litshigu lolo, ndzadzi yi na mwalalega gu pwala ligwaha nya gusamadzise. Satshavbo si guromo ndzadzini si navbya, litigo ni satshavbo si guromo tigoni si na fuviswa.

2 Pedro 3:14

Sigodwa sangu, nga olu mu lindrelago litshigu lolo, girani tshivba mu khale ga Nungungulu, nyambana gisolo, ambari gighoho mbeli gwaye.

Gutuledwa 3:3

Khu kharato dundruga mahungu u ma hakhidego ni gu mapwa. Ma landrise, u vbindrugedza mavbanyelo u wuya ga Nungungulu. Wamba gwadi nyi nata kha nga mbafa nu si giti gikhati nyi na gu gu vbohelago khigyo.

1 Samuweli 25:36

Avbo Abhigayili a nga bwelelago ga Nabhali, a diya mu mana na gu gira buzo nya nga wa mufumeli, na tsakide ngudzu monyoni gwaye, kholu a di levide ngudzu, Abhigayili kha nga mu embela gilo kala gugya.