Luka 21:28 - Bhibhiliya Nya Guage

²⁸ Gikhati si na gu phelago gu dugelela satshavbo sesi, tiyani longo mu khusedza dzithamo dzanu, kholu guvbanyiswa gwanu gu na bani gu vbohide.”

Luka 21:28 Iomraidhean Croise

Luka 13:11

Avbovbo a di romo nyamayi moyo a nga bani ari ni liphuvbo nya guvivbe, li nga bani li gu mu sanisa gipimo nya likhumi na livbandre na miraru myaga: A di gimbila na nogide, a si dzi kodzi gu ololoka.

Luka 18:7

Ina Nungungulu khuye a na gumba lamula sihathwa saye, si mu ranago wutshigu ni mihani, ambari a gu gira gukhwatshi a gu hwela, gani?

Luka 21:29

A di va embela gipimaniso gegi, khuye: “Khedzani nguyu ni mimbe misimbo.

Varoma 8:19

Sivangwa satshavbo somo si khevisela, wutshigu ni mihani, na si gu lindrela gu wona litshigu Nungungulu a na gu dzi wonegisago ga sanana saye.

Varoma 8:23

Khandri sivangwa basi, ni ethu nethu hi phedego gu hakha siningwa nya Liphuvbo nya Guage. Ethu hi ngu saniseka ni gu virela gikhati hi na gu dzegiswago kha nga sanana sa Nungungulu, a gu ugo gutshulega gwathu.

Vaefeso 1:14

Khilo gitumbiso nya thomba yathu, eyi Nungungulu a yi vegisedego vathu vaye; olu hi ngarigu vbakari nya gulindrele, khilo Liphuvbo li hi ningago gutumba guya hakha thomba, gasi wu rungudzwe wudhumo waye.

Vaefeso 4:30

Mu nga theli wusiwana Liphuvbo nya Guage la Nungungulu, kholu Liphuvbo khigyo gifungo mu lovidwego khu Nungungulu. Khigyo mu nata tidwago khigyo litshigu Nungungulu a natago a ta mi tshula wugumbini nya guvivbe gwatshavbo.