Luka 21:25 - Bhibhiliya Nya Guage

²⁵ “Gi na manega giwonegiso damboni, ngimani numo nya dzinyeledzi; mafuni gu na manega tshanisa vbakari nya mayigo, ma na thedwago rerema khu gudzuma nya mavimbi ya linene,

Luka 21:25 Iomraidhean Croise

Dzindzimo 46:3

ambari la gu dzuma linene, ma duga liguvi mati yaye, si gu tsekatseka sigomo khu tshivba yaye.

Isaya 13:10

Kholu dzinyeledzi ni dzithandra dzaye, kha dzi na wenengedza gambe; lidambo li na pfhupedziswa li nga gu duga, ni ngima kha wu na wenengedza gambe.

Isaya 17:12

Yowe! Gupwala huwa nya sidzemo nya mayigo nya mangi; kha nga gudzuma nya linene, ni ligwaha nya vathu nya mayigo, va dzumago kha nga mavimbi!

Isaya 24:23

Khu guralo, ngima wu na khala dzitshoni, ni lidambo li na hembuludwa, kholu Pfhumu Nungungulu nya Tshivba Yatshavbo, a na fuma gigomoni gya Siyoni ni dhoropani ga Jerusalema; a na yeyedza wudhumo waye mbeli ga madhota yaye.

Isaya 5:30

Khu litshigu lolo, va na bhongela Judha, kha nga gubhonga nya linene, uye a na khedzago tigoni, a na wona basi gidema ni gutshaniseka, lidambo li na pfhupedziswa khu mapfhi nya guthise.

Isaya 51:15

Kholu eni kheni Pfhumu Nungungulu wago, nyi kutsungago linene ma khusega mavimbi. Lina langu, kheni Pfhumu Nungungulu nya Tshivba Yatshavbo.

Jeremiya 4:23

Nyi di khedza mafuni, nyi gu wona na guri mwalo giwumbelo; nyi khedza ndzadzini, gu diri mwalo guwonegela.

Dhaniyeli 12:1

Khu gikhati gyogyo, a na dugelela Migeli Ngilozi yi emelago vathu vago, gu na manega gikhati nya gusaniseke, nya gu gima gi si gu manegi gukhugela guhegulani nya mifumo. Aholu khu gikhati gyogyo, uye a na vbanyisa vathu vago, vatshavbo vale va na gu manegago na va lovidwe libhukuni nya womi.

Mikeya 7:4

Uye a gu wadi vbakari gwawe a gu fanana ni girangalabwa; ni uye a lulamidego ngudzu a gu fanana ni litamo nya miba. Li vbohide litshigu li huweledwego khu vawoneleli vawe, a gu litshigu nya tsayiso wa Nungungulu; olu gu na bani guri pfilupfilu vbakari gwawe.

Matewu 24:29

“Aholu hwane nya tshanisa yoyo, lidambo li na sivbala, ni ngima kha na wenengedza; dzinyeledzi dzi na thegela khu Ndzadzini, ni dzitshivba nya ndzadzi dzi na dzudzwa.

Matewu 27:45

Gukhugela midiya kala ni silambo gu di manega gidema tigoni gwatshavbo.

Marko 13:24

“Khu matshigu yoyo, hwane nya tshanisa yeyi, lidambo li na sivbala, ngima kha wu na wenengedza.

Marko 13:26

Khavbo avbo, va na wona Mwamana wa Muthu na gu tshiga khu vbakari nya lipfhi na tade khu tshivba nya yikhongolo ni gidhumo.

Marko 15:33

Ni mihani, khu gikhati nya livbandre na gimwegyo gu di phuma tigoni gwatshavbo gu manega gidema nya gikhongolo ngudzu kala khu gikhati nya livbandre na wu na.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Luka 21:26

va na dzima vathu khu hwanga nya iso si na gu dugelelago tigoni, kholu dzitshivba dza Ndzadzini dzi na dzudzwa.

Mithumo 2:19

Nyi na wonegisa siliwugiso vbatshani, Ndzadzini, ni siwonegiso vbavbatshi, mafuni; Novba, nilo ni hunguva nya wutshi.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.