Luka 21:17 - Bhibhiliya Nya Guage

¹⁷ Mu na nyenywa khu vathu vatshavbo khu kotani nya lina langu.

Luka 21:17 Iomraidhean Croise

Matewu 10:22

Gasi enu mu na zondrwa khu vatshavbo khu kotani nya lina langu. Aholu uye a na tsaramago kala mahegiso a na vbanyiswa.

Matewu 24:9

Khavbo avbo, va na mi yisa gusaniswani, va na mi songa; mu na zondrwa khu mayigo yatshavbo, khu kotani nya lina langu.

Matewu 5:11

“Mu kategide enu, mwa gu vadwa, mu saniswa, mu singedzwa guvivba gwatshavbo khu kotani yangu.

Marko 13:13

Mu na vengwani khu wathu vatshavbo kotani nya lina langu. Aholu oyu a na timiselago kala mahegiso a na vbanyiswa.

Luka 21:16

Gu na dzega ni vababe vanu, vandriyanu, valongo ni dzipari va mi ningelani. Vambe va na khu gu songwa.

Luka 21:18

Aholu kha gu na luzega, ambari basi ndzudzu moyo wa hungoni gwanu.

Luka 6:22

“Mu kategide mwa gu vengwa khu vathu, va mi tutumisa, vbakari gwawe va mi vala ni gu nyenya lina lanu khwatshi li di nyenyeza, khu kotani ya Mwamana wa Muthu.

Johane 15:19

Nari pwani mwa gu lumba litigo, ilo na li mi gola, kha nga li golago vathu vaye; aholu, la gu mi nyenya, kholu kha mu lumbi litigo, ni gu eni nyi mi hathideni vbakari gwaye.

Johane 15:21

Va na mi gira satshavbo sesi, khu kotani nya lina langu, kholu kha va muti wule a nyi rumedego.

Johane 17:14

Nyi va hevbudzide mahungu yago, aholu va nya litigo va ngu va zondra kholu avo kha va lumbi litigo, kha nga eni neni nyi si lumbigo litigo.

Johane 7:7

Litigo kha li dzi kodzi gu mi zondra, aholu eni li ngu nyi zondra, kholu nya gu li tugudzisa mithumo yaye nya guvivbe.

Mithumo 9:16

Aholu, eni nyi na mu nonedza tshanisa a na gu yi wonago khu kotani nya lina langu.”

2 Vakorinto 12:10

Khidzo kharato nyi nengelago khu gupwa guvbunguga nya tshivba yangu, khu gu vadwa, ni sigaradzo, ni gunyenywa, ni gusaniseka khu khota ya Kristo. Kholu gikhati nyi dzi pwago na nyi vbungugide tshivba, khavbo nyi gu ni tshivba.

2 Vakorinto 4:11

Kholu na hi nga gu vbanya, gikhati gyatshavbo hi ningedwe gufani khu lihaladzo la Jesu, gasi guvbanya ga Jesu gu wonege givilini gwathu nya gufe.

2 Vakorinto 4:5

Kholu ethu, kha hi dzi tshumayeli wurumba wathu, aholu ha gu tivisa Jesu Kristo, a gu Pfhumu. Ethu kha hiri gilo, hi sithumi sanu, khu lihaladzo la Jesu.

Vafilipi 1:29

Nungungulu a mi ningide wuhigo, nasiri basi owu nya gukhodweni ga Kristo, aholu, ni owu gambe nya gusaniseke khu kotani yaye.

1 Pedro 4:14

Enu mu kategide mwa gu vadwa khu kotani nya lina la Kristo, kholu, gu yeyedza gupwani Liphuvbo nya wudhumo a gu Liphuvbo la Nungungulu lomo avbo gwanu.

Gutuledwa 2:3

“U na ni gutimisela, u tshanisekide khu kotani nya lina langu, ambari ulo khwa rereka.