Luka 20:7 - Bhibhiliya Nya Guage

⁷ Khavbo avbo, va di khavo: “Ahati.”

Luka 20:7 Iomraidhean Croise

Isaya 26:11

Mandza yago ma khusegide, Pfhumu Nungungulu, ambari khu guralo, kha va ma woni! Va yeyedze nya gukhuwe u ngu khathalela vathu vago, gasi va khale dzitshoni; va na dagarele khu nilo u wu dongisedego valala vago.

Isaya 29:14

Khu guralo, nyi na simama gu gira mithumo nya gusamadzise vbakari nya vathu vava, eyi yi liwugisago ni guthurugisa; kholu guti ga va nya gugengela vawe gu na fuva, ni gupima ga vathu vawe nya gugengele gu na vbela.

Isaya 41:28

Avbo nyi nga khedzago, kha nya wona muthu, ambari vbakari nya vasingalagadzi vava, kha nya wona muthu nya gu mu wudzise ni gu nyi ninga phindrulo.

Isaya 44:18

Vathu nya nga vovo, kha vati gilo ambari gu pima; kholu maho yawe ma tulegide, aholu kha ma woni, ni myonyo yawe, kha yi pimi gilo.

Zakariya 11:15

Pfhumu Nungungulu a di nyi embela, khuye: Dzega gambe sombo sa muhavisi nya gipumbu.

Zakariya 11:17

Libango ga muhavisi nya gipumbu, a si sayisigo tshambi; a na paywe libogo laye khu litshari, li mu pole liso la nyamudye; libogo laye latshavbo li na bange ni liso laye la nyamudye li na khale gidzogo.

Luka 20:6

Aholu ha gukhethu khu ga vathu, hi na rinyedwa siwindri khu vathu, kholu vatshavbo va gu wona Johane kha nga muprofeti nya lisine.”

Luka 20:8

Jesu a di va embela, khuye: “Basi. Eni neni kha nyi mi embeli umo nyi yi manago tshivba nya gu gira esi.”

Johane 9:39

Jesu, khuye: “Eni nyi dzude mafuni kha nga mulamuli, gasi vale va si wonigo va wone; ni gu vale va wonago va khale sikhumu.”

2 Pedro 3:3

Guphela gu vbweta mu dzitini gukhenu guvbelani nya matshigu va na dugelela vathu va nya gufumwa khu gunavela gwawe, va na mi poyila,