Luka 2:9 - Bhibhiliya Nya Guage

⁹ Va di tumbulugedwa khu ngilozi ya Pfhumu, va randredwa khu wenengedzo wa Pfhumu, va tala khu hwanga.

Luka 2:9 Iomraidhean Croise

1 Dzipfhumu 8:11

Vaphasi nya mhamba va di tandrega ni gu khala nyumbani va thuma thumo wawe, khu kotani nya lipfhi, kholu wudhumo wa Pfhumu Nungungulu wu di tadzide Nyumba ya Pfhumu Nungungulu.

Ekisodha 16:10

Aroni na nga guganela ga tshangano watshavbo nya sanana sa Israyeli, avo va di khedzisa giwulani, va wona wudhumo wa Pfhumu Nungungulu na wu ngangamela lipfhini.

Ekisodha 16:7

Vbadzimindrutunu, mu na wonani wugulu wa Pfhumu Nungungulu, kholu Uye pwide edzi mu nga mu bhongela khidzo. Gasi ethu hi vamani, gu kala mu hi wugelani?”

Isaya 35:2

Khu kharato si na rumbuga senge, si kulungela khu gunengela, si embelela khu gutsaka; va na ningwa wudhumo wa Libhanoni, ni wa Saromi, ni gungangamela nya gigomo Karameli; vathu va na wona wudhumo wa Pfhumu Nungungulu, ni gungangamela ga Nungungulu wathu.

Isaya 40:5

Vathu vatshavbo va na wona wudhumo wa Pfhumu Nungungulu, va na si pima gukhavo khu Pfhumu Nungungulu a ganedego isoso khu wurumba waye.”

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Ezekiyeli 3:23

Khavbo avbo, nyi di khuga nyi hongola panini. Iyoyo wu diromo wudhumo wa Pfhumu Nungungulu, gu fanana ni uwo nyi nga wu wona vbafuvbi ni tsongo wa Kebhari. Nyi di thega vbavbatshi khu khovbe,

Matewu 1:20

Na nga gu vinga mano yakone, a di tumbulugedwa khu ngilozi ya Pfhumu khu ndroroni, yita, khiyo: “Josefe, mwamana wa Dhavhidhe, u nga kanakani gu hakha Mariya, mwangadzi wago, kholu mimba a gu nayo khya Liphuvbo nya Guage.

Luka 1:28

Na yi vbohide avbo a nga bani a romo, ngilozi yi di, khiyo: “Sewe, uwe nya gutale khu wuhigo, Pfhumu yi na ni uwe.”

Luka 2:8

Vbafuvbyana vbale va diromo vahavisi va nga bani va gulala panini va ghadha sifuyo sawe, wutshigu watshavbo.

Luka 24:4

Na va nga gu liwuga esi, va di tumbulugedwa khu vama vavili na va ambade dzingandzu nya gungangamele.

Johane 12:41

Isaya ganede esi kholu a di tuledwe gu wona gidhumo gya Jesu.

Mithumo 12:7

Khavbo avbo, yi di tumbuluga ngilozi ya Pfhumu, lipaso li di wenengedzwa khu safa; ngilozi ya Nungungulu yi di kuha limbambo la Pedro, yi mu wusa yi mu embela, khiyo: “Khuga u eme khu guvbiredza.” Khavbo avbo, dzitshinga dzi di thega khu mawogoni gwaye.

Mithumo 27:23

Kholu ni wutshigu wowu nyi di tedwa khu ngilozi ya Nungungulu wangu nyi mu khozelago yita dzi wonegisa gwangu,

Mithumo 5:19

Aholu ngilozi ya Nungungulu yi dita ni wutshigu yita tula malimba nya lipaso, yi gu duga navo vbavbandze, yi va embela, khiyo:

2 Vakorinto 3:18

Ethu hatshavbo na hi funungude khovbe, hi khedza libona nya wudhumo wa Pfhumu hi ngu vbindrugedza khu wuzundzo ni wudhumo, hi fanana Naye, hi khedziga gikhati gyatshavbo khu tshivba nya Liphuvbo la Pfhumu.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

Vahebheru 12:21

Esi va nga si wonago si di thisa ngudzu, a nga kala Mosi a ganela, khuye: “Nyi ngu ndrendremela khu hwanga.”

Gutuledwa 18:1

Khu hwane nya silo sesi, nyi di wona gambe yimbe ngilozi na yi gu tshiga khu ndzadzini ni tshivba nya yikhongolo ngudzu, ni litigo li di wenengedzwa khu gungangamela gwaye.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.