Luka 2:7 - Bhibhiliya Nya Guage

⁷ a gu velega gyanana gyaye nya matiwula, a nga gi fenengedzelago myendra a gi ladzisa mugighowoloni, kholu kha va nga mana wulanga nyumbani nya vaendri.

Luka 2:7 Iomraidhean Croise

Genesi 42:27

Na va vbohide ndrangani nya vaendri, gikhati moyo wawe a tudego saku gasi gu ninga guhodza buru, a di mana dzitsapawu na dzi vegidwe sakuni.

Genesi 43:21

Gu di manega gu, na hi vbohide ndrangani nya vaendri, gikhati hi tudego dzisaku dzathu, moyo ni moyo a di mana dzitsapawu dzaye ndrani nya saku yaye. Hi dzude nadzo avba,

Dzindzimo 22:6

Gasi eni, nyi giwungu, kha nyiri muthu; nya gu hegwa khu vathu, nyi nyenywa khu litigo;

Ekisodha 4:24

Mosi nari vbakari nya ndzila, lizumbotunu, Pfhumu Nungungulu a di mu tela a vbweta gu mu songa.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Matewu 1:25

Nasi gu hengeli naye lidawu, a di velega gyanana gyaye nya gikhwathana, igyo a nga gi thangisago lina la Jesu.

Matewu 13:55

Ina khandruye oyu mwamana wa muvati, gani? Ina mayi waye khandri Mariya? Vandriyaye khandri Jakobe, ni Josefe, ni Simoni ni Judha?

Matewu 8:20

Jesu a di mu hakha, khuye: “Migehe yi na ni mavbala yawe; sinyoni sa damboni si na ni sihaga sawe. Aholu Mwamana wa Muthu mwalo avbo nya gukhihimele hungo waye.”

Luka 10:34

a gu hidzimela, a mu thela mafura ni wadwa dziphandzani, a gu dzi hungelela. Khavbo avbo, a di mu khiledza vbaburutunu gwaye, a mu yisa ndrangani nya vaendri; a mu sayisa.

Luka 2:6

Na va romo iyoyo, Mariya a di vbohedwa khu matshigu yaye nya guhefemule,

Luka 2:8

Vbafuvbyana vbale va diromo vahavisi va nga bani va gulala panini va ghadha sifuyo sawe, wutshigu watshavbo.

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

Vagalatiya 4:4

Aholu, gutadzisegani nya matshigu, Nungungulu a di hi rumela Mwamana Waye a nga velegwa khu nyamayi, a velegedwa vbavbatshi nya Nayo nya Vajudha;