Luka 2:49 - Bhibhiliya Nya Guage

⁴⁹ Khavbo avbo, Jesu a di khuye: “Mu di nyi vbwetela ginani? Kha mu dziti nya gukhenu fanelo yangu khu gu khala nyumbani ga Babe wangu, gani?”

Luka 2:49 Iomraidhean Croise

Dzindzimo 40:8

Nyi ngu tsaka khu gu gira guhaladza gwago, Nungungulu wangu; ndrani nya monyo wangu womo nayo wago.

Malakiya 3:1

Pfhumu Nungungulu nya Tshivba Yatshavbo a ngu ganela, khuye: “Wonani nyi ngu rumela ngilozi yangu gasi guta dongisela ndzila mbeli gwangu; Pfhumu mu mu dilelago a na bela khu guvbiredza nyumbani gwaye, ni ngilozi nya gidzumeledzwano hi yi virelago gu reswa, yi ngu vboha.”

Matewu 21:12

Jesu a di bela Nyumbani ga Nungungulu a tutumisa vatshavbo va nga bani varomo mule va rengisa, navo va nga bani va renga, a gu reda vbavbatshi dzimeza dza va nya dzituruku nidzo nya varengisi nya matuva, a gu va embela, khuye:

Luka 2:48

Na va mu wone, vavelegi vaye va di thuruga; mayi waye a di khuye: “Mwanangu, u di hi sanisela ginani? Nga wona, babe wago ni eni hi di gu vbweta khu tshivba.”

Johane 4:34

Jesu a di va embela, khuye: “Guhodza gwangu khu gu gira guhaladza ga wule a nga nyi rumelago ni gu gira mithumo yaye.

Johane 5:17

Aholu, Jesu a di khuye: “Babe wangu a gu thuma gikhati gyatshavbo, eni neni nyi ngu thuma.”

Johane 5:36

Gasi eni nyi na ni wufakazi nya guvbindre wa Johane, kholu mithumo nyi ningidwego gu gira khu Babe, yi ngu fakaza gu khiyo Babe a nyi rumede.

Johane 6:38

Kholu nyi tshigide khu Ndzadzini, gasi guta gira guhaladza ga wule a nyi rumedego; kha nya tela guta gira guhaladza gwangu.

Johane 8:29

Wule a nyi rumedego a na ni eni; kha nyi diga nyenga, kholu gikhati gyatshavbo nya gu gira esi si mu tsakisago.”

Johane 9:4

Nyi fanede gu gira mithumo ya uye a nyi rumedego na gu ngari mihani; wu nguta wutshigu, avbo muthu a si kodzigo guthuma.