Luka 2:41 - Bhibhiliya Nya Guage

⁴¹ Myaga yatshavbo vavelegi va Jesu va di gu hongola Jerusalema, khu gikhati nya Phasika.

Luka 2:41 Iomraidhean Croise

Ekisodha 12:11

Mu na hodzani, kharati: Mu na hungide mikeka siwununi gwanu; na mu ambade silato migondroni gwanu, na mu pharide ndronga mandzani, mu na hodza khu guvbiredza. Eyi Phasika ya Pfhumu Nungungulu.

Ekisodha 12:14

Litshigu lolo li na khala gidundrugiso gwanu; mu na li alakanya khu gu girani buzo nya gurungudze Pfhumu Nungungulu; mu na li vegisa ga mimelana ni mimelana nya situgulwana sanu. Kha nga nayo wu tiyisidwego kala gupindruga.

Ekisodha 34:23

Vama vatshavbo va tigoni gwanu va na ta dzi bikela gwangu, guraru khu mwaga, mbeli ga Pfhumu Nungungulu, Nungungulu wa Israyeli.

Levhi 23:5

Khu litshigu nya likhumi na mana nya ngima nya guhegule, kala gupfolani nya lidambo, Phasika ya Pfhumu Nungungulu.

Mitengo 28:16

Khu litshigu nya likhumi na mana nya ngima nya guhegule, yi na bani yiri Phasika ya Pfhumu Nungungulu;

Luka 2:42

Nari ni likhumi na mivili myaga, va di hongola naye kha nga giolovedzo gyawe.

Johane 11:55

Yi diri vbafuvbi Phasika nya Vajudha. Nya vangi va di gwela Jerusalema, gasi guya dzi agisa na yi si gu vbohi Phasika.

Johane 13:1

Wu si gu vbohi buzo nya Phasika, Jesu na gu dziti gukhuye gi vbohide gikhati gyaye nya guvbindre mafuni momu a bwelela ga Babe waye, uye, a nga golago vathu vaye va nga bani va romo tigoni, a di va gola khu monyo waye watshavbo.

Johane 2:13

Na yiri vbafuvbi Phasika nya Vajudha, Jesu a di gwela Jerusalema;

Johane 6:4

Yi di gu hidzimela Phasika, buzo nya Vajudha.

Dhewuteronome 12:11

Khu guralo, gu na manega wulanga wu na hathwago khu Pfhumu Nungungulu wanu, gasi guya vega avbo lina laye; ga wulanga wowo, mu na vbohisa satshavbo esi nyi mi leletelago a gu esi: Miphaso yanu nya guvbiswe, ni dzimhamba dzanu, ni miningelo yanu nya gipandre nya likhumi, ni eyi nya mandza yanu, ni miningelo yanu mu sambanyidego gu ninga Pfhumu Nungungulu.

Dhewuteronome 12:18

aholu uwe u na si hodzela wulanga wule Pfhumu Nungungulu wago, a na gu wu hathago, uwe, gumogo ni gyanana gyago, nya mwama ni egi nya nyamayi, ni githumi gyago nya mwama ni egi nya nyamayi, gumogo ni mulevhi a vbanyago dhoropani gwago; u na nengela mbeli ga Pfhumu Nungungulu wago, ga satshavbo u na girago.

Dhewuteronome 16:16

Vama vatshavbo va na gyanu, va fanede guya dzi wonegisa mbeli ga Pfhumu Nungungulu wago, nyondro tharu khu mwaga wulangani a na wu hathago, khu Buzo nya Sibaba nyambana Mela, ni ga Buzo nya Dzisemana, ni ga Buzo nya Mitshatsha; aholu u nga hongoli nyamba phara gilo mandzani gwago mbeli ga Pfhumu Nungungulu;

1 Samuweli 1:21

Mwama waye Elikana, a di khuga gumogo ni ndranga yaye, aya ningela ga Pfhumu Nungungulu, ningelo nya phaso nya mwaga, a tadzisa gisambanyo gyaye.

1 Samuweli 1:3

Mwama yoyu, myaga yatshavbo a di gu duga khu dhoropani gwaye a hongola Silo, gasi guya khozela Pfhumu Nungungulu nya Tshivba Yatshavbo ni gu Mu girela miphaso. Avbovbo si diromo sanana sivili sa Eli, Hofini ni Finiyasi, va diri vaphasi nya mhamba va Pfhumu Nungungulu.