Luka 2:37 - Bhibhiliya Nya Guage

³⁷ Gi vbanyide ni mwama waye livbandre na mivili myaga. Na gi tshidwe, gi di vbanya kha nga gifurugadzi kala gi nga enedza livbandre na mararu magumi na mina (84) myaga. Gi di gu khala Nyumbani ga Nungungulu, umo gi nga bani gi thumela Nungungulu wutshigu ni mihani, na gi lombelela ni gu hala.

Luka 2:37 Iomraidhean Croise

Dzindzimo 22:2

Nungungulu wangu, nyi ngu lila vbakari nya mihani, uwe khu nyi hakhi, wutshigu gima kha nyi mani gurula.

Dzindzimo 23:6

Wuwadi ni lihaladzo lago, si ngu nyi bangaladza matshigu yatshavbo nya guvbanye gwangu; nyi na vbanya Nyumbani ga Pfhumu Nungungulu kala gupindruga.

Dzindzimo 27:4

Gilo gimwegyo basi nyi lombago ga Pfhumu Nungungulu, nyi gi dogorelago khu monyo wangu watshavbo: Khu gu khala Nyumbani ga Pfhumu Nungungulu matshigu yatshavbo nya guvbanye gwangu, nyi fela gunengela khu gutshamba ga Pfhumu Nungungulu ni gu alakanya Nyumba yaye.

Dzindzimo 84:10

Kholu gu khala litshigu limwedo basi nyumbani gwago, gwadi guvbindra gu khala likhumi mazana matshigu vbavbandze. Nyi ngu gola gu khala musayisi nya lidimba Nyumbani gwa Nungungulu wangu, guvbindra gu ya khala mitshatshani ya va nya guvivba.

Dzindzimo 84:4

Va kategide avo va khalago nyumbani gwago; va na simama gu Gu dhumisa nyamba garala.

Dzindzimo 92:13

Avo va yadwego Nyumbani ga Pfhumu Nungungulu, va na thela matamo dzindzarini nya Nyumba ya Nungungulu wathu.

Ekisodha 38:8

A di gira ginamelo nya sugu ni gidzigaredzo nya sugu nigyo; giride esi khu mabona ya vanyamayi va nga bani va gu thumela nyangwani nya Tshatsha nya Tshangano.

Luka 5:33

Khavbo avbo, va di mu embela, khavo: “Vapizane va Johane ni vapizane va vafarisi va gu tala gu hala gikhati nya gingi, ni gu gira milombelo, gasi avo vago va gu hodza ni gu sela!”

Mithumo 13:3

Khavbo avbo, va di hala, va gira milombelo, va gu va handzega mandza, va va vbangana va hongola.

Mithumo 14:23

Na va giride milombelo ni gu hala, va di hatha madhota khu libandla ni libandla va gu ma vega mandzani ga Pfhumu va khodwego gwaye.

Mithumo 26:7

Mahundzu yatshavbo nya likhumi na mavili ya na Israyeli, momo vbakari nya guvirele gu wona gu tadzisega nya gitumbiso gyogyo. Khu kotani nya egi gitumbiso va ngu khozela Nungungulu wutshigu ni mihani nyamba rereka. Khigyo gitumbo gegi, amanawe mufumeli Agiripa, gi vangelago ketso yatshavbo nyi giredwago khu Vajudha.

1 Thimoti 5:5

Oyu a gu noni, khu lisine, nari mwalo waye, a gu vega gutumba gwaye ga Nungungulu gikhati gyatshavbo, a gu lombelela ni gu dhumisa Nungungulu wutshigu ni mihani.

Gutuledwa 3:12

Gasi wule a na palago nyi na mu gira lidingo Nyumbani ga Nungungulu wangu, umo nya gu gima kha na duga kala gupindruga. Nyi na mu lova lina la Nungungulu wangu, ni lina nya lidhoropa la Nungungulu wangu, Jerusalema nya guphya, gu tshigago khu ndzadzini, gutago khiyo ga Nungungulu wangu, bwelo khavbo nyi mu lova lina langu nya liphya.

Gutuledwa 7:15

Khiso si va girago va manega mbeli nya gikhalo nya wufumu wa Nungungulu, va mu thumela wutshigu ni mihani nyumbani gwaye. Wule a khadego vbagikhalotunu nya wufumu a na va vhikela khu mwedzi waye.

1 Samuweli 2:2

Mwalo a lulamidego kha nga Pfhumu Nungungulu; kholu mwalo mumbe vbavbandze ga Uwe; gi mwalo Giwindri gi tiyidego, nya gufanane ni Nungungulu wathu.