Luka 2:34 - Bhibhiliya Nya Guage

³⁴ Simiyoni a di va kategisa, a gu embela Mariya, mayi wa Jesu, khuye: “Gyanana gegi gi emisedwe gu khunguvanyisa ni gu wusa vathu nya vangi va na Israyeli; gi na vanga guganedzisana;

Luka 2:34 Iomraidhean Croise

Genesi 14:19

a ta mu kategisa khu magana yaya, khuye: “Nungungulu a khusegidego ngudzu, muvangi nya ndzadzi ni mafu, a na kategise Abrama!

Genesi 47:7

Josefa a di bedza babe waye Jakobe aya mu bikela ga Faro; Jakobe a di kategisa Faro.

Ekisodha 39:43

Khu guralo, Mosi a di khedzisa thumo watshavbo, a wona gukhuye wu gimbide gukhedza khu edzi Pfhumu Nungungulu a mu rumidego khidzo nyamba tshiya gilo. Mosi a di va kategisa.

Isaya 8:18

Nyi womo avba, gumogo ni sanana nyi ningidwego khu Pfhumu Nungungulu, gasi hi khala siyeyedzo ni siliwugiso tigoni ga Israyeli khu ga Pfhumu Nungungulu nya Tshivba Yatshavbo, a vbanyago gigomoni ga Siyoni.

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Matewu 11:19

Dzude Mwamana wa Muthu, a hodzago ni gu sela, mwari, khenu: ‘Na ni limidzo, bewudzi, pari nya va khuphisi ni sighohi!’ Aholu guti gwa gu dzi yeyedza khu mithumo yaye.”

Matewu 12:46

Na nga guganela vbakari nya gidzemo, a di vboha mayi Waye ni vandriyaye, va ngata khalago khu vbavbandze, na va vbweta gu ganela naye.

Matewu 21:44

[“Uye a na thegelago vbatshani nya giwindri gegi, a na pferuga a gu khala sipandryana, uye a na thegedwago khigyo, gi na mu kuya a gu khala kudzudzwane.”]

Matewu 27:63

“Mwamangulu, hi ngu dundruga nya gukhethu mukanganyisi wule na nga gu vbanya a di nga ganela, khuye: ‘Nyi na wuga hwane nya matshigu mararu.’

Luka 2:35

gasi gu wonegiswa mahingigedzo ma sihadego myonyoni nya yingi. Hefemulo wago wu na hekhwa khu litshari.”

Johane 3:20

Kholu muthu watshavbo a girago guvivba a ngu venga guwonegela, gambe kha hidzimeli vbafuvbi, gasi mithumo yaye yi si tugudwi.

Johane 5:18

Gukhugela avbovbo, Vajudha va di engedzela likhulo lawe ga Jesu, va vbweta mano nya gu mu songe, nasiri basi khu guyeyisa Sabhadho, aholu khu lito a nga ganelago nya gukhuye Nungungulu Babe waye, a dzi fananisa Naye.

Mithumo 13:45

Vajudha na va wone gutala nya vathu va di tala khu lidiwo, va gu ganedza ni gu poyila magana ya Pawulo.

Mithumo 17:6

Na va va hamugile, va di ndrindrandrindra Jasoni ni vambe vandruye va gu hongola navo ga vafumeli vaya, khavo: “Ava vama va wusidego pfilupfilu tigoni gwatshavbo va vbohide ni omu gwathu gambe,

Mithumo 24:5

Hi wonide gukhethu oyu mwama vivbide. Khuye a wusago pfilupfilu ga Vajudha va mayigo yatshavbo. Khuye khongolo nya tsawa nya Vanazarenu.

Mithumo 28:22

Aholu ethu hi di gola gu gupwa na wu gu ganela khu likana lago esi u pimisago, kholu hi ngu dziti gukhethu, gikhodwagi gyanu nya gu pambuge, gi ngu ganedzwa ni gu wugedwa malangani gwatshavbo.”

Mithumo 4:26

Vafumeli nya mayigo ni manganagana va emide gumogo Va hengela gu wugela Pfhumu ni Kristo waye.’

Mithumo 6:7

Magana ya Nungungulu ma di phalalega. Tengo nya vapizane wu di gu engedzelana khu tshivba Jerusalema. Vathu nya vangi ngudzu nya tsawa nya vaphasi nya mhamba va di dzumela gukhodwa.

Varoma 9:32

Khu ginani? Kholu kha va vbweta gululama khu ndzila nya gukhodwe, aholu va di vbweta gu gu mana khu gu landrisa mithumo yawe. Kharati, va di tshunganela va gu thega vbagiwindritunu nya gikhunguvanyiso,

1 Vakorinto 1:23

Gasi ethu ha gu tivisa Kristo a khokhothedwego vbagihambanotunu. Mahungu yaya ma gu khunguvanyisa Vajudha, ma wonwa kha nga wupumbu khu vale va si gu Vajudha.

Vahebheru 7:1

Kholu Melikisedheki yoyu a nga bani ari mufumeli wa tigoni ga Salema, a diri muphasi nya mhamba ya Nungungulu a Khusegidego ngudzu. Gikhati Abrahama a nga bani a gu wuya khu litungatunu a nga ya songago vafumeli nya gutale, Melikisedheki a di mu khinga aya mu kategisa.

Vahebheru 7:7

Gu mwalo gukanakana nya gukhethu oyu a kategisago khongolo guvbindra wule a kategiswago.

1 Pedro 4:14

Enu mu kategide mwa gu vadwa khu kotani nya lina la Kristo, kholu, gu yeyedza gupwani Liphuvbo nya wudhumo a gu Liphuvbo la Nungungulu lomo avbo gwanu.

1 Samuweli 2:20

Eli a di kategisa Elikana ni mwangadzi waye, a ganela, khuye: “Pfhumu Nungungulu a na gu ninge sanana ga nyamayi yoyu, kha nga tshatshazelo nya giningwa a mu giredego!” Khu hwane nya ugo, va di bwelela gaya gwawe.