Luka 2:25 - Bhibhiliya Nya Guage

²⁵ A di gu vbanya Jerusalema mwama moyo nya gupwani khu Simiyoni. Adiri muthu nya gululame ni githawo ga Nungungulu; a di gu lindrela gu tangadziswa ga Israyeli, Liphuvbo nya Guage li diri gwaye.

Luka 2:25 Iomraidhean Croise

Genesi 6:9

Aya khu matimo ya Nowa. Matshiguni gwaye, Nowa a diri uye basi muthu nya lisine nya gululame mafuni, a di gu landrisa gugola ga Nungungulu gikhati gyatshavbo.

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Joba 1:8

Pfhumu Nungungulu a di embela Sathane, khuye: “U di nga gi wona githumi gyangu Joba, gani? Muthu nya gululame a thavago Nungungulu, mwalo mafuni a fananago naye, kholu a ngu hambana ni guvivba.”

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 40:1

“Tangadzisani, tangadzisani vathu vangu, a ngu ganela Nungungulu wanu!”

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Mitengo 11:25

Khavbo avbo, Pfhumu Nungungulu a di tshiga vbalipfhitunu, a ta ganela ni Mosi; khu guralo a di vbungula Liphuvbo li nga bani liri avbo gwaye, a li thela ga vale nya livbandre na mavili magumi madhota; Gikhati Liphuvbo nya Guage li nga mbakago gwawe, avo va di profeta, aholu kha va nga engedza gambe gu profeta hwane nya litshigu lile.

Mitengo 11:29

Khu guralo, Mosi a di hakha, khuye: “Gasi uwe wa gupwa wufu khu eni, gani? A diri tshukwana naripwani Pfhumu Nungungulu a ngu thela Liphuvbo ga vathu vatshavbo va profeta!”

Marko 15:43

A dita Josefe wa Arimateya, givbango nya guthavisege nya madhota, a nga bani a gu lindrela nuye guta nya Mufumo wa Nungungulu, a di tiya a hongola ga Pilato aya lomba girumbi gya Jesu.

Luka 1:41

Elizabheta, na pwide gulosa ga Mariya, gyanana gi di ndragandraga khu gunengela ndrani gwaye. Khavbo avbo, Elizabheta, na tade khu Liphuvbo nya Guage,

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Luka 1:67

Khavbo avbo, Zakariya, babe wakone, a di tala khu Liphuvbo nya Guage a ganela, khuye:

Luka 2:38

Uye nuye a di vboha khu gikhati gile, a di dhumisa Nungungulu gumogo ni gu ganela khu gyanana gile ga vatshavbo va nga bani va gu lindrela guvbanyiswa ga Jerusalema.

Luka 23:51

Kha nga nengela khiso si nga hungwago ni gu girwa khu vakwawe. Adiri givelegwa gya Arimateya, lidhoropa nya Vajudha, a di gu lindrela Mufumo wa Nungungulu.

Mithumo 10:2

Mwama yoyo a diri mukhongeli nya githawo ga Nungungulu, uye ni ndranga yaye yatshavbo. A di phasedzela vathu khu silo, ni gu lombelela Nungungulu nyamba garala.

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 2:5

Va di tshanganide Jerusalema Vajudha nya ndruda, nya gute khu mayigoni yatshavbo.

Mithumo 24:16

Khu kharato, eni neni nyi ngu dzi garadza matshigu yatshavbo gu khala nyiri muthu nya monyo nya gululame mbeli gwa Nungungulu ni ga vathu vatshavbo.

Dhewuteronome 18:15

Pfhumu Nungungulu wago, a na gu wusela muprofeti vbakari gwago ni ga vandriyago, nya gufanane ni eni; guvbweta u mu yingisa,

2 Pedro 1:21

Kholu, ma mwalo magana nya vaprofeti ma nga lowago khu gudzina nya muthu, aholu, vathu va di kutsedzedwa khu Liphuvbo nya Guage, va ganela Mahungu nya gute khu ga Nungungulu.