Luka 2:11 - Bhibhiliya Nya Guage

¹¹ Muhuno olu, Dhoropani ga Dhavhidhe mu velegedwe Muvbanyisi wanu, a gu Kristo, Pfhumu.

Luka 2:11 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Dzindzimo 2:2

Vafumeli nya litigo va wugide, manganagana ma ngu gira gikungo ma wugela Pfhumu Nungungulu ni gihathwa gyaye, khavo:

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Matewu 1:16

Jakobe a velega Josefe, mwama wa Mariya, a gu uye a nga velega Jesu, a ranwago Kristo.

Matewu 1:21

Uye a na velega gyanana nya gikhwathana u na gi thangisago lina la Jesu, kholu gi na vbanyisa vathu vaye musighohoni sawe.”

Matewu 16:16

Simoni Pedro a di khusa lito a gu phindrula, khuye: “Uwe khuwe Kristo, Mwamana wa Nungungulu a vbanyago.”

Matewu 16:20

Khavbo avbo, a di laya vapizane vaye gu va si embeli muthu khavo uye khuye Kristo.

Luka 1:43

Wuhigo wangu wukhongolo! Kheni mani, eni, nya guta holedwe khu mayi wa Pfhumu yangu?

Luka 1:69

A hi resede Muvbanyisi nya tshivba, a dugelago nyumbani ya githumi gyaye Dhavhidhe.

Luka 2:26

A di wonisidwe khu Liphuvbo nya Guage pwani kha nafa nyamba wona Kristo wa Pfhumu.

Luka 2:4

Josefe nuye, a di khuga khu dhoropani ga Nazareta wa Galileya a gu hongola, tigoni ga Dhavhidhe, a gu Bhetlehema gwa Judheya, kholu a diri wa nyumbani ya Dhavhidhe,

Johane 1:41

Uye, guphela, a di mana ndriyaye Simoni, a gu mu embela, khuye: “Hi manide Mesiya, gutshamusago pwani Kristo.”

Johane 1:45

Filipi a di mana Natanayeli a mu embela, khuye: “Hi ngari gu mu mana wule a nga thudwago khu Mosi nayoni waye, a nga ganedwa khu vaprofeti; khu Jesu wa Nazareta, mwamana wa Josefe.”

Johane 11:27

Marta a di hakha, khuye: “Ina, Pfhumu! Nyi ngu khodwa gukheni uwe khuwe Kristo, Mwamana wa Nungungulu, wule a nga pwani a nata mafuni.”

Johane 20:31

Esi si lovidwe gasi mu khodwe gukhenu Jesu khu Kristo, Mwamana wa Nungungulu; gasi khu gu khodwa, mu mane guvbanya linani gwaye.

Johane 4:25

Nyamayi a di hakha, khuye: “Nyi ngu dziti nya gukheni Mesiya (a ranwago Kristo), a ngu vbweta gu vboha. Gikhati a na vbohago a nata hi tivisa satshavbo.”

Johane 4:42

va di embela nyamayi, khavo: “Olu kha hi khodwi khu kotani nya magana yago; hi diya khu gupwa habune; hi ngu dziti nya gukhethu uye khu lisine khuye Kristo Muvbanyisi nya litigo.”

Johane 6:69

Ethu hi ngu khodwa, gumogo ni gu dziti gukhethu uwe khuwe Gihathwa gya Nungungulu.”

Johane 7:41

Vambe va di khavo: “Khu Kristo!” Gasi vambe va di khavo: “Kristo nya gute khu Galileya?

Mithumo 10:36

Rumede magana yaye ga sanana sa na Israyeli, a gu si rumela mahungu maphya nya yadi nya gurule khu Jesu Kristo, a gu Uye Pfhumu nya vathu vatshavbo.

Mithumo 13:23

Ndrani nya livelego la Dhavhidhe, kha nga gutumbisa ga Nungungulu, velegidwe Muvbanyisi wa na Israyeli, a gu uye Jesu.

Mithumo 17:3

A di va tshamusela khu gu va pimisela gwadi khuye Kristo a di fanela gu saniseka a wuga khu ga vafudego, a gu ganela, khuye: “Kristo khu Jesu oyu nyi mu tivisago gwanu.”

Mithumo 2:36

Nyumba yatshavbo ya Israyeli yi na khale na yi gu dziti khu lisine latshavbo nya gu khiyo Jesu yoyu mu nga mu khokhothela vbagihambanotunu, Nungungulu a mu dandrisile a khala Pfhumu ni Kristo.”

Mithumo 5:31

Nungungulu rungudzile Jesu a mu gira Pfhumu ni Muvbanyisi, afela gu ninga gu vbindrugedza mavbanyelo ni gutsetseledwa sighoho sanana sa na Israyeli.

1 Vakorinto 15:47

Oyu nya guhegule a diri muthu wa mafuni. Oyu nya wuvili khwa Ndzadzini.

Vafilipi 2:11

ni gu vathu vatshavbo va huwelela, khavo: “Jesu Kristo Pfhumu,” gasi gu dhumiswa Nungungulu Babe.

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

Vakolosi 2:6

Kha nga olu mu hakhidego Pfhumu Jesu Kristo, gu vbwetega mu vbanya khu gupwanana naye,

1 Johane 4:14

Ethu hi si wone, gambe hi ngu tivisa ga vambe gukhethu Babe rumede Mwamana waye, gasi guta khala Muvbanyisi nya litigo.

1 Johane 5:1

Muthu watshavbo a khodwago gukhuye Jesu khuye Kristo, gyanana gya Nungungulu. Muthu watshavbo a haladzago babe a nga velega gyanana, a ngu haladza gambe ni gyanana gya Babe yoyo.