Luka 2:10 - Bhibhiliya Nya Guage

¹⁰ Ngilozi yi di va embela, khiyo: “Mu nga thavi, nya guta mi tivisani mahungu maphya nya gutsake nya gukhongolo ngudzu, ma na gu tsakisago vathu vatshavbo.

Luka 2:10 Iomraidhean Croise

Genesi 12:3

Nyi na kategisa avo va gu kategisago, nyi vala avo va na gu valago. Vathu vatshavbo va tigoni va na kategiswa khu kotani gwago.”

Isaya 40:9

Uwe u reselago Siyoni mahungu nya yadi nya maphya, lita gigomoni nya gulaphe. Khusedza lito khu tshivba, uwe u reselago Jerusalema, mahungu nya yadi, u nga thavi, embela madhoropa ya Judha, khuwe: “Wonani, khuye oyu Nungungulu wanu.”

Isaya 41:27

Eni kheni nya guphele gu tivisa Siyoni, kheni: Khavo avovo! Jerusalema nyi na mu ninga ngilozi nya gurese mahungu maphya.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 52:10

Pfhumu Nungungulu funungude libogo laye nya guage mbeli ga mayigo yatshavbo; ni mahegiso nya litigo va na wona guvbanyisa ga Nungungulu wathu.

Isaya 52:7

Edzi yi mburidego khidzo sigomoni migondro ya vale va tivisago mahungu nya yadi nya maphya, va pwadzago gurula; va tivisa silo nya sadi nya gutsakise si pwadzago guvbanyisa, oyu a embelago Siyoni, khuye: “Nungungulu wago a ngu fuma!”

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Dhaniyeli 10:19

Gi nyi embela, khigyo: “U nga khali hwanga, uwe u gigodwa ngudzu. Gurula gu na khale ni uwe! Tiya! U nga thavi!” Avbo nyi nga embedwago magana yaya, nyi di dzipwa na nyi tiyide, nyi ganela, kheni: “Ganela mune wangu, kholu u nyi ningide tshivba.”

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Matewu 14:27

Khavbo avbo, Jesu a di va embela, khuye: “Rulani, mu nga thavi, kheni!”

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Matewu 28:5

Aholu ngilozi yi di khusa lito, yi embela vanyamayi vale, khiyo: “Mu nga thavi; nyi ngu dziti nya gukheni mwa gu vbweta Jesu a nga khokhothedwago.

Marko 1:15

“Ma tadzisegide matshigu, Mufumo wa Nungungulu womo vbafuvbi. Vbindrugedzani mavbanyelo, mu khodwe khu Mahungu nya Yadi.”

Marko 16:15

Khavbo avbo, a di va embela, khuye: “Indrani tigoni gwatshavbo, mu gimbila mu hevbudza Mahungu nya Yadi nya maphya ga vathu vatshavbo.

Luka 1:13

Aholu ngilozi yi di mu embela, khiyo: “Zakariya, u nga thavi, kholu nombelo wago wu yingisidwe. Mwangadzi wago, Elizabheta, a na velega gyanana nya gikhwathana u na gi thangisago lina la Johane.

Luka 1:19

Ngilozi yi di mu phindrula, khiyo: “Eni kheni Gabriyeli, wule a guromo mbeli ga Nungungulu; nyi di rumedwa gasi guta gu tivisa mahungu yaya nya gutsakise.

Luka 1:30

Ngilozi yi di, khiyo: “Mariya, u nga thavi, kholu u manide wuhigo mahoni ga Nungungulu.

Luka 2:11

Muhuno olu, Dhoropani ga Dhavhidhe mu velegedwe Muvbanyisi wanu, a gu Kristo, Pfhumu.

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Luka 8:1

Khavbo avbo, hwane nya esi, a di gimbila khu madhoropani ni dzindrangani, a gimbila a hevbudza Mahungu yadi nya Mufumo wa Nungungulu, nari ni vapostoli vaye nya likhumi na vavili,

Mithumo 13:32

Ethu hi ngu mi tivisa mahungu nya yadi.

Varoma 10:15

A na hongodzisa guwani muthu nya guya va tivisa, a gumba rumedwa? Kha nga gu ganedwago umo nya Milowo nya Guage, gupwani: “Gu ngu tshamba ngudzu gu wona gu vboha ga vale va hi reselago Mahungu nya Yadi.”

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

Vakolosi 1:23

Aholu, gu vbwetega mu simame gu khala na mu tiyide gwadi gukhodwani, mu nga hambani ni gitumbo mu hakhidego gikhati mu tivisidwego Mahungu nya Yadi, ma tiviswago ga vathu vatshavbo va tigoni momu, eni Pawulo nyi vegidwego gu khala mutivisi wakone.